चिमुकल्याचा मृतदेह आढळला गोबर गॅसमध्ये; सोमवारपासून होता बेपत्ता
पुणे जिल्ह्यातील आंबेगाव तालुक्यातील शिंगवे येथून बेपत्ता झालेल्या चिमुकल्याचा मृतदेह गोबर गॅसमध्ये आढळून आला आहे. शिंगवेमधून सोमवारी 2 वर्षांचा चिमुकला कृष्णा विलास गाढवे हा बेपत्ता झाला होता.
पुणे – जिल्ह्यातील आंबेगाव तालुक्यातील शिंगवे येथून बेपत्ता झालेल्या चिमुकल्याचा मृतदेह गोबर गॅसमध्ये आढळून आला आहे. शिंगवेमधून सोमवारी 2 वर्षांचा चिमुकला कृष्णा विलास गाढवे हा बेपत्ता झाला होता. त्यानंतर आज सकाळी त्याचा मृतदेह घराशेजारी असलेल्या गोबर गॅसमध्ये आढळून आला आहे. कृष्णाच्या मृत्यूमुळे त्याच्या कुटुंबीयांवर शोककळा पसरली असून, त्याचा मृतदेह पाहाताच कुटुंबीयांनी हंबरडा फोडला.
घटनेबाबत अधिक माहिती अशी की, कृष्णा हा सोमवारी आपल्या घराशेजारी खेळत होता. तो तेथून अचानक बेपत्ता झाला. कृष्णा कुठेच दिसत नसल्याने त्याच्या घरच्यांनी परिसरात त्याचा शोध घेतला. सोमवारी दिवसभर शोध घेऊन देखील तो सापडला नव्हता. अखेर आज संशय आल्याने त्याच्या कुटुंबीयांनी गोबर गॅसमध्ये पाहिले असता, त्यांना कृष्णा मृतावस्थेमध्ये आढळून आला.
बिबट्याने ओढून नेल्याची चर्चा
दरम्यान कृष्णा बेपत्ता झाल्यानंतर त्याला बिबट्याने ओढून नेल्याची चर्चा देखील गावात सुरू होती. ग्रामस्थांच्या वतीने याची माहिती वनविभागाला देण्यात आली. घटनेची माहिती मिळताच वनविभागाचे कर्मचारी घटनास्थळी दाखल झाले. त्यांनी परिसरात असलेल्या उसाच्या शेतांमध्ये कृष्णाचा शोध घेतला. मात्र त्यांना कुठेही कृष्णा आढळून आला नाही. त्यानंतर आज सकाळी पुन्हा एकदा शोध मोहीम सुरू करण्यात आली. त्याच्या कुटुंबीयांना संशय आल्याने त्यांनी घराशेजारी असलेल्या गोबर गॅसमध्ये डोकाऊन पाहिले असता त्यांना त्या ठीकाणी कृष्णाचा मृतदेह आढळून आला. कृष्णाच्या मृत्यूमुळे गावात हळहळ व्यक्त करण्यात येत आहे.
बैलगाडा शर्यतीसाठी झटणारे पुण्याचे महादूशेठ माडीवाले कालवश, अखेरच्या प्रवासात बैलगाडा मिरवणूक https://t.co/FqI1IU7eFI #Pune
— TV9 Marathi (@TV9Marathi) November 9, 2021
संबंधित बातम्या
चुलत जावांची एकमेकींच्या पतीविरोधात बलात्काराची फिर्याद, एकीवर गोठ्यात, दुसरीवर लॉजमध्ये अत्याचार
