AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

भरत गोगावलेंचा मुलगा अद्याप फरार कसा? संजय राऊतांचा सवाल, म्हणाले फडणवीसांचे सर्व मोहरे…

संजय राऊत यांनी महायुती सरकारवर गुंडांचे राज्य असल्याचा आरोप करत निवडणूक आयोगाच्या स्वायत्ततेवर कडक शब्दांत टीका केली आहे; तसेच आमदार भरत गोगावले यांच्या मुलाच्या अटकेबाबतही सवाल उपस्थित केले आहेत.

भरत गोगावलेंचा मुलगा अद्याप फरार कसा? संजय राऊतांचा सवाल, म्हणाले फडणवीसांचे सर्व मोहरे...
sanjay raut
| Updated on: Jan 04, 2026 | 12:01 PM
Share

शिवसेनेचे ठाकरे गटाचे खासदार संजय राऊत यांनी महायुती सरकार, गृहखाते आणि केंद्रीय निवडणूक आयोगावर गंभीर टीका केली आहे. राज्यामध्ये सध्या कायद्याचे राज्य नसून गुंडांचे राज्य सुरू असल्याचा गंभीर आरोप संजय राऊतांनी केला आहे. यावेळी त्यांनी निवडणूक आयोगाच्या स्वायत्ततेवरही बोचरी टीका केली. यावेळी संजया राऊतांनी निवडणूक आयोगाची तुलना थेट ताटाखालच्या मांजराशी केली. तसेच महाडमधील राडा प्रकरणात आमदार भरत गोगावलेंचा मुलगा अद्याप फरार कसा? असा सवालही संजय राऊतांनी केला.

जनता तुम्हाला ताटाखालचं मांजर म्हणूनच ओळखेल

संजय राऊतांनी नुकतंच पत्रकार परिषद घेतली. या पत्रकार परिषदेत संजय राऊतांनी निवडणूक आयोगाच्या कार्यपद्धतीवर तीव्र नाराजी व्यक्त केली. आजच्या निवडणूक आयोगाने आपली स्वायत्तता आणि प्रतिष्ठा पूर्णपणे धुळीस मिळवली आहे. जर त्यांना खरोखरच लोकशाहीची जाण असेल, तर त्यांनी आपल्या कार्यालयात माजी निवडणूक आयुक्त टी.एन. शेषन यांचा फोटो लावायला हवा. शेषन यांनी ज्या निस्पृहपणे काम केले, तसे काम करून दाखवावे. अन्यथा, जनता तुम्हाला ताटाखालचं मांजर म्हणूनच ओळखेल, असा आरोप संजय राऊतांनी केला.

आमदाराचा मुलगा दीड महिना बेपत्ता कसा?

रायगडमधील आमदार भरत गोगावले यांच्या मुलाचा उल्लेख करत राऊत यांनी पोलिसांच्या कार्यक्षमतेवर टीका केली. गोगावलेंच्या मुलावर खुनाचा प्रयत्न केल्याप्रकरणी गुन्हा दाखल होऊन महिना-दीड महिना उलटला आहे. तरीही तो अद्याप फरार कसा? राज्यातील इतर सर्व गुन्हेगार पोलिसांना सापडतात, पण सत्ताधारी आमदाराचा मुलगा पोलिसांच्या हाताला लागत नाही, हे आश्चर्यकारक आहे. जर महाराष्ट्र पोलीस त्याला शोधू शकत नसतील, तर रायगडच्या जिल्हा पोलीस प्रमुखांना याचा जाब विचारला पाहिजे, असे संजय राऊत यांनी ठणकावून सांगितले.

सरकारमध्ये गुंड आणि खुनी

मुख्यमंत्री देवेंद्र फडणवीस यांनी राजकारणाचा चेहरा-मोहरा बदलू असे वक्तव्य केले होते. त्याचा समाचार घेताना राऊत म्हणाले, “महाराष्ट्राचे राजकारण कोणत्या खालच्या थराला गेले आहे, हे फडणवीसांनी पाहावे. यांचे सर्व मोहरे हे भ्रष्ट आणि गुन्हेगारी पार्श्वभूमीचे आहेत. सोलापूर उत्तरच्या उमेदवारीवरून किंवा तिथल्या घडामोडींवरून त्यांना जनतेला उत्तर द्यावे लागेल. हे सरकार गुंडांना पाठीशी घालणारे असून यांच्या सरकारमध्ये गुंड आणि खुनी आहेत, असा आरोप संजय राऊतांनी केला.

Follow Us
एका खासदाराचा भाव 150 कोटी; डिलिमिटेशनसाठी शाह खासदार विकत घेत आहेत...
Sanjay Raut : एका खासदाराचा भाव 150 कोटी; डिलिमिटेशनसाठी अमित शाह खासदार विकत घेत असल्याचा संजय राऊतांचा दावा
माळशेज घाटातील रिसॉर्टमध्ये भुजबळांसोबत काय चर्चा? अमोल कोल्हे...
Amol Kolhe : माळशेज घाटातील रिसॉर्टमध्ये भुजबळांसोबत काय चर्चा? अमोल कोल्हे स्पष्टच म्हणाले...
कोल्हे आणि भुजबळांच्या भेटीत नेमकी काय चर्चा? भुजबळांनी स्वतःच सांगितल
Chhagan Bhujbal : अमोल कोल्हे आणि छगन भुजबळांच्या भेटीत नेमकी काय चर्चा? भुजबळांनी स्वतःच सांगितलं, म्हणाले...
नाशिक-लासलगाव मार्गावर एसटी बसचा अपघात; दुचाकीस्वाराला वाचवण्याच्या...
Lasangaon Bus : नाशिक-लासलगाव मार्गावर एसटी बसचा अपघात; दुचाकीस्वाराला वाचवण्याच्या प्रयत्नात चालकाचं नियंत्रण सुटलं
रोहित पवार तुम्ही लपवालपवी का करतायत? नवनाथ बन यांचा सवाल; नेमकं काय..
Navnath Ban Vs Rohit Pawar : रोहित पवार तुम्ही लपवालपवी का करतायत? नवनाथ बन यांचा सवाल; नेमकं काय म्हणाले?
दीड एकर ऊस पाण्याअभावी करपला; पहिल्याच लागवडीत शेतकऱ्याच्या स्वप्नांवर
Nanded Drought : दीड एकर ऊस पाण्याअभावी करपला; पहिल्याच लागवडीत शेतकऱ्याच्या स्वप्नांवर पाणी
देशाच्या राजधानीत प्रवेश करताना आता वेळ वाचणार; दिल्लीच्या टोल....
Delhi Toll : देशाच्या राजधानीत प्रवेश करताना आता वेळ वाचणार; दिल्लीच्या टोलनाक्यांवर नवी MLFF प्रणाली सुरू
चंद्रभागेच्या वाळवंटात विठ्ठल भक्तांची मांदियाळी; दुष्काळमुक्त....
Kartiki Ekadashi : चंद्रभागेच्या वाळवंटात विठ्ठल भक्तांची मांदियाळी; दुष्काळमुक्त महाराष्ट्रासाठी वारकऱ्यांची प्रार्थना
कष्टाने टोमॅटोची लागवड केली, पण पाण्याअभावी स्वप्नांवर पाणी; बीडमधील..
Beed Farmer Issue : कष्टाने टोमॅटोची लागवड केली, पण पाण्याअभावी स्वप्नांवर पाणी; बीडमधील शेतकरी संकटात
लातूरच्या पाणीप्रश्नावरून अमित देशमुख विरुद्ध नवनाथ बन; रेल्वेने पाणी
Latur Water Issue : लातूरच्या पाणीप्रश्नावरून अमित देशमुख विरुद्ध नवनाथ बन; रेल्वेने पाणी आणण्याच्या मुद्द्यावरून जुंपली