AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

भाजप-शिवसेनेतील मोठा वाद शमणार का? श्रीकांत शिंदे यांच्या भूमिकेवर रवींद्र चव्हाण यांची पहिली प्रतिक्रिया

श्रीकांत शिंदे यांनी युतीसाठी आपण राजीनामा द्यायला तयार असल्याची भूमिका मांडल्यानंतर रवींद्र चव्हाण यांची प्रतिक्रिया समोर आली आहे. रवींद्र चव्हाण यांनी यावेळी भाजप हा कार्यकर्त्यांचं ऐकणारा पक्ष आहे, अशी प्रतिक्रिया दिली आहे. त्यामुळे हा वाद शमतो की आणखी वाढतो? असा प्रश्न निर्माण झाला आहे.

भाजप-शिवसेनेतील मोठा वाद शमणार का? श्रीकांत शिंदे यांच्या भूमिकेवर रवींद्र चव्हाण यांची पहिली प्रतिक्रिया
Chetan Patil
Chetan Patil | Updated on: Jun 09, 2023 | 10:12 PM
Share

कल्याण : खासदार श्रीकांत शिंदे यांनी कल्याण डोबिंवलीत भाजप नेत्यांनी घेतलेल्या ठरावावर नाराजी व्यक्त केलीय. युतीत कुणीही मिठाचा खडा टाकू नये, असं श्रीकांत शिंदे स्पष्ट म्हणाले आहेत. तसेच युतीसाठी आपण खासदारकीचा राजीनामा द्यायला तयार असल्याचं वक्तव्य श्रीकांत शिंदे यांनी केलं आहे. श्रीकांत शिंदे यांची भूमिका समोर आल्यानंतर भाजप आणि शिवसेनेतील पहिला मोठा वाद चव्हाट्यावर आला आहे. विशेष म्हणजे श्रीकांत शिंदे यांच्या वादावर आता भाजप नेते रवींद्र चव्हाण यांची पहिली प्रतिक्रिया समोर आली आहे. “भाजप ही कार्यकर्त्यांची संघटना आहे. कार्यकर्त्यांची मतं पक्ष ऐकतो. कार्यकर्त्यांची मतं पक्षाचे वरिष्ठ ऐकतील”, असं रवींद्र चव्हाण यांनी म्हटलं आहे. त्यामुळे हा वाद आणखी कुठपर्यंत जातो, ते पाहणं महत्त्वाचं ठरणार आहे.

कल्याण डोंबिवलीच्या मानपाडा पोलीस ठाण्यातील एका पोलीस अधिकाऱ्याच्या बदीवरुन हा वाद उफाळला आहे. या पोलीस अधिकाऱ्याची बदली करण्यात यावी, अशी मागणी स्थानिक भाजप नेत्यांची आहे. विशेष म्हणजे त्यासाठी भाजप नेते चांगलेच आक्रमक झाले आहेत. भाजप नेत्यांनी संबंधित पोलीस अधिकाऱ्याची बदली होत नाही तोपर्यंत शिवसेनेला कल्याणमध्ये मदन न करण्याचा ठराव मंजूर केलाय. विशेष म्हणजे मंत्री रवींद्र चव्हाण यांच्या उपस्थितीत हा ठराव झालाय. त्यामुळे श्रीकांत शिंदे यांनी भूमिका मांडत नाराजी व्यक्त केली. त्यावर आता रवींद्र चव्हाण यांनी भूमिका मांडली.

रवींद्र चव्हाण नेमकं काय म्हणाले?

“त्या पद्धतीचा निर्णय कार्यकर्त्यांनी त्या भागामध्ये घेतला आहे. तो निर्णय त्यांनी ठरवलाय. तो कदाचित त्यांच्या मताला पटत असेल. भारतीय जनता पक्ष हा कार्यकर्त्यांचा पक्ष आहे. कार्यकर्त्यांच्या मनामध्ये काय? याबाबत त्यांनी व्यक्त होणं, हे फक्त भारतीय जनता पक्षात होतं. त्यांनी ते व्यक्त केलंय, असं माझं स्वत:चं मत आहे. त्यामध्ये अधिकची माहिती वरिष्ठांना नक्की देण्याचं काम आम्ही करु”, अशी प्रतिक्रिया रवींद्र चव्हाण यांनी दिली.

“श्रीकांत शिंदे भाजप कार्यकर्त्यांबद्दल बोलले आहेत. त्यामुळे भाजप कार्यकर्त्यांबरोबर त्या त्या ठिकाणी असलेले लोकल नेत्यांशी चर्चा करतील. संघटना तिथले कार्यकर्ते, पदाधिकारी आणि वरिष्ठ यांचा विचार घेऊन आमचे नेते देवेंद्र फडणवीस यांच्यासोबत चर्चा करतील”, असं रवींद्र चव्हाण म्हणाले आहेत.

रवींद्र चव्हाण यांच्या या प्रतिक्रियेनंतर आता हा वाद मिटेल की आणखी पुढे वाढेल? असा प्रश्न निर्माण झाला आहे. भाजपकडून कल्याण लोकसभेवर याआधीदेखील दावा करण्यात आलाय. त्यामुळे आगामी काळात नेमक्या काय घडामोडी घडतात ते पाहणं महत्त्वाचं ठरेल.

Follow Us
मायक्रोसॉफ्टच्या सेवा जगभरात ठप्प, आऊटलुक बंद पडल्याने लाखो युजर्स...
Microsoft Services Down : मायक्रोसॉफ्टच्या सेवा जगभरात ठप्प, आऊटलुक बंद पडल्याने लाखो युजर्सना फटका; ई-मेल पाठवणं आणि उघडणं कठीण
गाण्याकडे द्वेष म्हणून पाहत असाल, तर...; राम कदम नेमकं काय म्हणाले?
Ram Kadam On Thackeray Brothers : गाण्याकडे द्वेष म्हणून पाहत असाल, तर...; राम कदम नेमकं काय म्हणाले?
भाजीपाला महागला, CNG-PNG दरवाढीचा फटका, गोकुळ दूधही महागण्याची शक्यता
Price Rate Hike : भाजीपाला महागला, CNG-PNG दरवाढीचाही फटका, गोकुळ दूधही महागण्याची शक्यता; सर्वसामान्यांचं बजेट कोलमडलं
विलीनीकरणाच्या मुद्द्यावरून तटकरेंना खलनायक का ठरवलं जातंय? आदिती....
Aditi Tatkare On NCP Merger : विलीनीकरणाच्या मुद्द्यावरून तटकरेंना खलनायक का ठरवलं जातंय? आदिती तटकरेंचा थेट सवाल
नागपूरचे 320 विद्यार्थी शिवतीर्थावर अमित ठाकरेंच्या भेटीला; नेमकं...
Nagpur Students Meet Amit Thackeray : नागपूरचे 320 विद्यार्थी शिवतीर्थावर अमित ठाकरेंच्या भेटीला; नेमकं प्रकरण काय?
मोबाईलसाठी पैसे दिले नाहीत म्हणून मुलाने वडिलांना संपवलं....
Dharashiv : मोबाईलसाठी पैसे दिले नाहीत म्हणून मुलाने वडिलांना संपवलं; तुळजापूर तालुक्यात खळबळ
माझा फोन टॅप केला जातोय, राहुल गांधींचा गंभीर आरोप....
Rahul Gandhi : माझा फोन टॅप केला जातोय, राहुल गांधींचा गंभीर आरोप; पृथ्वीराज चव्हाणांचंही मोठं विधान, म्हणाले....
राष्ट्रवादीच्या विलीनीकरणावर छगन भुजबळ यांचं मोठं विधान, म्हणाले...
NCP Merger : Chhagan Bhujbal : राष्ट्रवादीच्या विलीनीकरणावर छगन भुजबळ यांचं मोठं विधान, म्हणाले...
सुनेत्रा पवारांसोबतची भेट केवळ सदिच्छा भेट; विलीनीकरणाच्या चर्चांना...
NCP : सुनेत्रा पवारांसोबतची भेट केवळ सदिच्छा भेट; विलीनीकरणाच्या चर्चांना दत्तात्रय भरणेंनी दिला पूर्णविराम
छठपूजेवरून महाराष्ट्रात संघर्ष घडवण्याचा भाजपचा प्रयत्न? ठाकरेंचा आरोप
Raj Thackeray On Chhath Pooja : छठपूजेवरून महाराष्ट्रात संघर्ष घडवण्याचा भाजपचा प्रयत्न? राज ठाकरेंचा मोठा आरोप