Corona | APMC मध्ये भाजी-पाल्याची आवक, मात्र उठावच नाही, कोबी 2 रु., तर टोमॅटो 8 रु, किलो

भाजीपाला बाजारात शेतमालाच्या 900 गाड्या आल्या असून कोबी, फ्लावर या भाज्या 2 ते 5 रुपये किलो विकली जात आहेत

Nupur Chilkulwar | Updated on: Mar 20, 2020 | 12:26 PM

नवी मुंबई : कोरोना विषाणूचा वाढता प्रादुर्भाव (Corona Effect On Vegetable Market) रोखण्यासाठी देशातील किरकोळ बाजार, मॉल्स, फेरीवाले, दुकाने बंद ठेवण्याचे आदेश संबंधित ठिकाणच्या प्रशासनाकडून दिले जात आहेत. त्यामुळे नवी मुंबईतील एपीएमसी बाजारात ग्राहकांची संख्या खूपच कमी झाली आहे. त्याचा फटका मुंबई एपीएमसी भाजीपाला घाऊक बाजारात विक्रमी आवक झाल्याने भाज्यांचे (Corona Effect On Vegetable Market) भाव मोठ्या प्रमाणात घसरले आहेत.

आज भाजीपाला बाजारात शेतमालाच्या 900 गाड्या आल्या असून कोबी, फ्लावर या भाज्या 2 ते 5 रुपये किलो विकली जात आहेत. ग्राहक नसल्याने गाड्यावर आणि दुकानात भाजीपाला ठेवण्यात आला आहे. भरमसाठ उत्पादनामुळे बाजारपेठेत भाजीपाल्याचे भाव गडगडले आहेत. त्यामुळे शेतकऱ्यांचे आर्थिक बजेट कोलमडले आहे. भाजीपाल्यातही ‘मंदी’चा कोरोना आल्याचं म्हटलं जात आहे.

हेही वाचा : Mumbai local | गर्दी हटेना, मोठे पाऊल उचलावे लागेल, मुंबई लोकलबाबत आरोग्य मंत्र्यांचे मोठे संकेत

राज्यातील विविध ठिकाणी भाजीपाल्याचे (Corona Effect On Vegetable Market) पीक घेण्यात येते. अल्पभूधारक शेतकरी मेहनत करुन टोमॅटो, मिरची, कोबी, पालक, कोथिंबीर, मेथी, बरबटी आदींचे भरघोस उत्पादन घेतात. भाजीपाला पिकावर त्यांचा चरितार्थ चालतो.

बाजारामध्ये भाजीपाल्याची वाढलेली आवक आणि कमी झालेल्या उठावामुळे भाजीपाल्याचे भाव चांगलेच घसरले आहेत. बाजार आवारात कोबीचे ढीग खरेदीविना पडून आहेत. तीच परिस्थिती टोमॅटो, फ्लावर, वाटाणा, भेंडी, वांगींची आहे. काही शेतकऱ्यांनी बाजार आवारात कोबी विक्रीसाठी आणली. मात्र, त्यांच्या कोबीला केवळ प्रतिकिलो दोन रुपयेच भाव मिळाला. त्यामुळे खर्चवजा जाता त्याला चार हजार रुपये तोटा सोसावा लागला. लागवडीचा खर्च तर सोडाच विक्रीसाठी आणण्याचा खर्चही निघाला नाही.

एपीएमसी मार्केटमधील भाज्यांचे भाव

कोबी – 2 रुपये किलो
फ्लावर – 5 रुपये किलो
वाटाणा – 20 रुपये किलो
भेंडी – 20 रुपये
टॉमेटो – 8 रुपये किलो
वांगी – 10 रुपये किलो

कोरोनाचा हाहा:कार, देशात चौथा बळी

देशातील कोरोनाबाधित मृतांचा आकडा 4 वर पोहोचला आहे. पंजाबमध्ये गुरुवारी एका कोरोनाग्रस्त रुग्णाचा मृत्यू झाला. यापूर्वी कर्नाटक, दिल्ली आणि महाराष्ट्रात प्रत्येकी एक रुग्णाचा कोरोनामुळे मृत्यू झाला होता.

भारतात कोरोनाग्रस्त रुग्णांची संख्या 170 वर पोहोचली आहे. तर महाराष्ट्रात सध्या कोरोनाबाधितांची संख्या 52 वर येऊन पोहोचली आहे.

कोरोनाचे कुठे किती रुग्ण?