सरकारच्या एका होकाराने ऑक्सिजनचा प्रश्न सुटणार, वेदांताकडून ‘ही’ ऑफर

नवी दिल्ली : देशभरात वाढत्या कोरोना रुग्णांच्या संख्येसोबतच आरोग्य सुविधांची मोठ्या प्रमाणात कमतरता जाणवत आहे. अगदी रेमडेसिवीरपासून ऑक्सिजनपर्यंत कमतरता तयार झालीय. अनेक रुग्णांना ऑक्सिजन आणि योग्य औषधांविना आपला जीव गमावावा लागला आहे. त्यावरच आता वेदांता उद्योग समुहाने सरकारला एक मोठी ऑफिर दिलीय. त्यावर सरकारने होकार दिल्यास देशातील ऑक्सिजनचा प्रश्न सुटण्याची चिन्हं आहेत (Vedanta Group offer free of cost oxygen for corona patient in India know all about it).

वेदांता समुहाच्या हिंदुस्‍तान झिंक लिमिटेड आणि ईएसएल कंपन्यांनी वेदांता केअर नावाने एक उपक्रम सुरु केलाय. त्या अंतर्गत कोरोना रुग्णांना ऑक्सिजन पुरवठा करण्यासाठी वेदांताने आपलं ऑक्सिजन उत्पादन वाढवलं आहे. कंपनीने म्हटलं आहे, “स्टरलाईट कॉपरकडे तुतीकोरन येथे देशातील सर्वात मोठं उत्पादन केंद्र आहे. आम्ही तामिळनाडू आणि केंद्रीय आरोग्य मंत्री हर्षवर्धन यांच्याकडे येथे मोठा ऑक्सिजन उत्पादन करणारा प्रकल्प सुरु करण्याची परवानगी मागितली आहे. या ठिकाणी दर दिवशी 1000 टन ऑक्सिनज निर्मिती होईल आणि देशातील ऑक्सिजनची कमतरता भरुन निघेल.”

सर्वोच्च न्यायालयातही याचिका दाखल

विशेष म्हणजे ऑक्सिजन निर्मितीच्या प्रकल्पाला परवानगी मागण्यासोबतच वेदांताने याबाबत सर्वोच्च न्यायालयात देखील याचिका दाखल केलीय. त्यावर शुक्रवारी (23 एप्रिल) सुनावणी होणार आहे.

दरम्यान, हिंदुस्थान झिंकने उदयपूर आरोग्य विभागाला 1500 लिटर ऑक्सिजन उपलब्ध करुन दिलाय. कंपनीने म्हटलंय की सध्या प्रतिदिन 5 टन वैद्यकीय ऑक्सिजनचा पुरवठा केला जातोय. याशिवाय कंपनी 2-3 टन अतिरिक्त ऑक्सिजन पुरवठा करण्यासाठी प्रयत्न करत आहे.

वेदांता प्रतिदिन 1000 टन ऑक्सिजन रुग्णांना मोफत उपलब्ध करुन देणार

वेदांता ग्रुपचे सीईओ सुनील दुग्गल म्हणाले, “देशात सध्या वैद्यकीय ऑक्सिजनची खूप कमतरता आहे. आमची कंपनी हा ऑक्सिजनचा पुरवठा वाढवण्यासाठी पूर्ण प्रयत्न करत आहे. वेदांता समुहाच्या हिंदुस्थान झिंक आणि ईएसएल या कंपन्यांनी आधीच वैद्यकीय ऑक्सिजन पुरवठा करण्यास सुरुवात केलीय. आता स्टरलाईट कॉपरने तुतीकोरन येथे प्रतिदिन 1000 टन ऑक्सिजन प्रकल्प सुरु करण्याची परवानगी मागितली आहे. हा ऑक्सिजन रुग्णांना मोफत उपलब्ध करुन दिला जाईल.”

हेही वाचा :

कोरोनाविरुद्धची ही लढाई मोठी, 100 वर्षातलं मोठं आरोग्य संकट, एकत्र येऊन लढू; रेमडेसिव्हीरवरुन राज ठाकरेंचं नरेंद्र मोदींना पत्र

Oxygen Man | त्यानं 23 लाखाची गाडी विकली अन् कोरोनाग्रस्तांना ऑक्सिजन सिलेंडर पोहोचवले, मुंबईच्या देवदूताची प्रेरणादायी कहाणी

VIDEO | हॉस्पिटलपर्यंत पोहोचला पण बेडच नाही, नाशिकमध्ये पत्नीच्या मांडीवरच पतीने प्राण सोडले

व्हिडीओ पाहा :

Vedanta Group offer free of cost oxygen for corona patient in India know all about it