Chandrayaan 3 Launch : कोण आहेत डॉक्टर एस. सोमनाथ ज्यांच्या नेतृत्वात चंद्रयान 3 लाँच

श्रीहरीकोटा : चंद्रयान ३ ने चंद्राच्या दिशेने आज झेप घेतली. सर्व भारतीयांची नजर चंद्रयान ३ कडे आहे. शास्त्रज्ञांचे कौशल्य पणाला लागले आहे. कारण चंद्रयान २ फेल झाले होते. त्यामुळे आता चंद्रयान ३ लाँच करण्यात आले आहे. श्रीहरीकोटा येथील सतीश धवल अंतराळ केंद्रातून हे चंद्रयान आज दुपारी २ वाजून २५ मिनिटांनी लाँच करण्यात आले.

चंद्रयान ३ ने चंद्राच्या दिशेने झेप घेतली. भारतीय अंतराळ संशोधन संस्था इसरोचे प्रमुख एस. सोमनाथ यांच्या नेतृत्त्वातील टीम ही कामगिरी करत आहे. देशासाठी ही अभिमानाची बाब आहे.

तिरुपती मंदिरात केली पूजा

चंद्रयान ३ मिशनच्या टीमचे नेतृत्व इसरोचे प्रमुख एस. सोमनाथ करत आहेत. गेल्या वर्षी जानेवारीत त्यांनी इसरोच्या प्रमुख पदाची सूत्रे हाती घेतली. चंद्रयान ३ लाँचिंगच्या एका दिवसापूर्वी त्यांनी तिरुपती मंदिरात मिशनच्या यशस्वीतेसाठी पूजा केली.

सोमनाथ यांचा जन्म केरळमधील

डॉ. एस. सोमनाथ यांचा जन्म जुलै १९६३ साली केरळच्या अलापुझा जिल्ह्यात झाला. त्यांचे वडील शिक्षक होते. मेकॅनिकल इंजिनीअरिंगमध्ये त्यांनी पदवी घेतली. केरळ विद्यापिठातून ते टॉपर्स होते.

डॉ. एस. सोमनाथ यांची पत्नी जीएसटी विभागात आहे. त्यांचे नाव वलसाला आहे. त्यांची दोन्ही मुले इंजिनीअरिंग पीजी केलेली आहेत. सोमनाथ यांना चित्रपट पाहणे आवडते.

तीन वर्षांचा कार्यकाळ

इसरोचे प्रमुख डॉ. सोमनाथ यांना १४ जानेवारी २०२२ रोजी सुत्रे स्वीकारली. नियुक्तीनंतर त्यांचा कार्यकाळ तीन वर्षांचा राहणार आहे. याशिवाय सोमनाथ हे अंतराळ आयोगाचे अध्यक्ष आहेत.

करिअरच्या सुरुवातीला पीएसएलव्हीची जबाबदारी

डॉ. एस. सोमनाथ यांना करिअरच्या सुरुवातीला पीएसएलव्ही म्हणजे पोलर सॅटेलाईट लाँच व्हेईकलची जबाबदारी दिली होती. जीएसएलव्ही एमके ३ एक्सिलन्स अवॉर्डने सोमनाथ यांना सन्मानित करण्यात आले. एअरोनॉटिकल सोसायटी ऑफ इंडियाकडून गोल्ड मेडल त्यांना मिळाले आहे.