Marathi News Photo gallery Actress Suchitra Sen locked herself away for 36 years and hide her face after death
36 वर्षे जगापासून दूर एकटी राहिली ही अभिनेत्री, मृत्यूनंतर कोणालाच बघता आला नाही चेहरा, नेमकं काय होतं कारण?
नाव आणि सन्मान सर्व काही असताना देखील ही अभिनेत्री 36 वर्षे कोणालाच भेटली नाही. शेवटी मृत्यूनंतर देखील तिचा चेहरा कोणालाच दाखवण्यात आला नाही. कोण आहे ती अभिनेत्री?
हिंदी आणि बंगाली चित्रपटसृष्टीत अनेक कलाकार नाव, आणि सन्मान मिळवण्यासाठी आयुष्यभर झटत असतात. मात्र काही कलाकार असेही असतात, ज्यांच्यासाठी या गोष्टींना फारसे महत्त्व नसते. अशीच एक रहस्यमय आणि विलक्षण अभिनेत्री म्हणजे सुचित्रा सेन.
1 / 6
1950 आणि 60 च्या दशकात सुचित्रा सेन यांनी बंगाली आणि हिंदी चित्रपटांमध्ये आपल्या अप्रतिम अभिनयाने प्रेक्षकांच्या मनावर राज्य केले. त्यांची आणि उत्तम कुमार यांची जोडी भारतीय सिनेमातील सर्वात लोकप्रिय आणि यशस्वी जोड्यांपैकी एक मानली जाते.
2 / 6
हिंदी चित्रपटसृष्टीतही त्यांच्या अभिनयाचे प्रचंड कौतुक झाले. त्यांच्या सौंदर्यामुळे, अभिनयकौशल्यामुळे आणि स्क्रीन प्रेझेन्समुळे त्या त्या काळातील सर्वात मोठ्या अभिनेत्रींपैकी एक बनल्या होत्या. इतकेच नाही तर त्या नायकांपेक्षाही अधिक मानधन घेणाऱ्या अभिनेत्रींपैकी एक होत्या.
3 / 6
सुचित्रा सेन यांचे लग्न केवळ 15व्या वर्षी झाले होते. मात्र करिअर सुरू झाल्यानंतर त्यांच्या पतीने त्यांना सोडून परदेशात स्थायिक होण्याचा निर्णय घेतला. या वैयक्तिक धक्क्यानंतरही त्यांनी स्वतःला सावरले आणि आपल्या कुटुंबासाठी काम सुरू ठेवले. त्या लवकरच बंगाली चित्रपटसृष्टीतील सुपरस्टार बनल्या.
4 / 6
1978 साली त्यांनी अचानक चित्रपटसृष्टीला कायमचा निरोप दिला. यानंतर त्यांनी स्वतःला पूर्णपणे जगापासून दूर केले. त्या जवळपास 36 वर्षे स्वतःच्या घरात एकट्या राहिल्या. त्या कोणालाही भेटत नसत. अगदी त्यांच्या कुटुंबीयांनाही नाही. त्यांनी स्वतःचा चेहरा नेहमी झाकून ठेवला. 2014 साली त्यांचे निधन झाले.
5 / 6
मात्र त्यांच्या आयुष्याप्रमाणेच त्यांचा शेवटही रहस्यमय राहिला. त्यांच्या शेवटच्या इच्छेनुसार, त्यांच्या मृत्यूनंतर त्यांचा चेहरा कुणालाही दाखवण्यात आला नाही आणि त्यांचा अंत्यसंस्कारही अत्यंत खाजगी पद्धतीने करण्यात आला.
