Marathi News Photo gallery Celebration of maharashtra day on the sets of mazha hoshil na and yeu kashi tashi mi nandayala
Photo : ‘माझा होशील ना’ आणि ‘येऊ कशी तशी मी नांदायला’च्या सेटवर महाराष्ट्र दिनाचं जंगी सेलिब्रेशन
झी मराठी मालिकांच्या सेटवर महाराष्ट्र दिनाचं सेलिब्रेशन करण्यात आलं आहे. (Celebration of Maharashtra Day on the sets of 'Mazha Hoshil Na' and 'Yeu Kashi Tashi Mi Nandayala')
VN |
Updated on: May 01, 2021 | 6:37 PM
Share
देशभरात कोरोनाचा प्रादुर्भाव वाढतोय. महाराष्ट्रातही कोरोनानं डोकं वर काढलंय. अशा परिस्थितीत राज्यात लॉकडाऊनचा निर्णय घेत नियमावली कठोर करण्यात आली आहे.
1 / 6
लॉकडाऊनच्या काळात अनेक गोष्टींवर निर्बंध लादण्यात आले आहेत. यामध्ये मालिका, सिनेमांच्या चित्रिकरणावर पूर्णपणे बंदी आणण्यात आली आहे.
2 / 6
त्यामुळे मनोरंजनाला ब्रेक लागू नये आणि प्रेक्षकांचं मनोरंजन अविरत सुरु राहावं यासाठी झी मराठीवरील मालिकांचं चित्रिकरण महाराष्ट्राबाहेरील राज्यात हलवावं लागलं आता बेळगाव, गोवा, सिल्वासा, दमण आणि जयपूर याठिकाणी मराठी मालिकांचं शूटिंग सुरु आहे.
3 / 6
महाराष्ट्रापासून दूर राहून शूटिंग करायला लागत असलं तरी मनात वसलेल्या महाराष्ट्रप्रेमाला वाट करून देण्याचा हा प्रामाणिक प्रयत्न झी मराठी आणि मालिकेतील कलाकारांनी केला या मंडळींनी अनोख्या पद्धतीने सेटवर महाराष्ट्र दिन साजरा केलाय.
4 / 6
सुरुवात छत्रपती शिवरायांच्या प्रतिमेची पूजा करून झाली. १ मे हा कामगार दिन देखील असल्याने सेटवरील तंत्रज्ञांचा सत्कार केला गेला. सगळे कलाकार आणि तंत्रज्ञ पारंपारिक पेहरावात होते. महाराष्ट्राची ओळख असलेले मानाचे फेटे सगळ्यांनी बांधले होते. महाराष्ट्राबाहेर शूटींग सुरु असल्याने सगळी टीम घरच्या जेवणाला मिस करते आहे, त्यामुळे खास मराठमोळ्या जेवणाची मेजवानी होती.
5 / 6
या सगळ्या कोरोनाच्या काळात मनोरंजन विश्व जरी कार्यरत असलं तरी, ह्या संकटकाळात आपल्या लोकांच्या मदतीला येण्यासाठी फुल ना फुलाची पाकळी म्हणून 'माझा होशील ना', ओशन फिल्म कंपनी आणि सगळे कलाकार आणि तंत्रज्ञ मिळून त्यांच्या मानधनातून एक निधी उभा करणार आहेत, जो महाराष्ट्रदिनाचं औचित्य साधून महाराष्ट्र मुख्यमंत्री निधीला सुपूर्त करण्याच येईल.
