Marathi News Photo gallery IMD rain update Heavy rainfall warning for Maharashtra High Alert for these districts
IMD rain update : महाराष्ट्राला मुसळधार पावसाचा इशारा, IMD चा या जिल्ह्यांना हाय अलर्ट, आता पाऊस झोडपणार
मोठी बातमी समोर येत आहे, गेल्या दीड महिन्यापासून राज्यात पावसाने दडी मारली आहे, मात्र आता महाराष्ट्रात परतीच्या पावसाचा जोर वाढणार आहे. भारतीय हवामान विभागाकडून (IMD) राज्यात मुसळधार पावसाचा इशारा देण्यात आला आहे.
महाराष्ट्रात गेल्या दीड महिन्यांपासून पाऊसच झालेला नाहीये, त्यामुळे शेतकरी मोठ्या संकटात सापडले आहेत. खरीप हंगाम हातचा गेला आहे. मात्र आता एक दिलासादायक बातमी समोर आली आहे, ती म्हणजे राज्यात परतीचा पाऊस जोरदार कोसळण्याची शक्यता आहे
1 / 7
दुष्काळाच्या झळा सहन करणाऱ्या शेतकऱ्यांसाठी दिलासादायक बातमी आहे, विदर्भात मुसळधार पावसाचा अंदाज वर्तवण्यात आला आहे. नागपूर हवामान विभागाचे हवामान तज्ज्ञ प्रविण कुमार यांनी हा अंदाज वर्तवला आहे.
2 / 7
हवामान विभागाने वर्तवलेल्या अंदाजानुसार पूर्व आणि पश्चिम विदर्भात 23 तारखेला सायंकाळपासून पुढील तीन दिवस मुसळधार पावसाचा अंदाज आहे. गोंदिया, गडचिरोली, चंद्रपूर, यवतमाळ जिल्ह्याला 24 आणि 25 ला पावसाचा ऑरेज अलर्ट जारी करण्यात आला आहे.
3 / 7
बंगालच्या खाडीत कमी दाबाचं क्षेत्र तयार झाल्याने विदर्भात चांगल्या पावसाचा अंदाज वर्तवण्यात आला असून, या काळात वादळ आणि विजांच्या कडकडाटाचाही इशारा देण्यात आला आहे. येत्या 23 सप्टेंबरपासून राज्यात पावसाचा जोर वाढणार आहे.
4 / 7
दरम्यान दुसरीकडे कोकणात देखील मुसळधार पावसाचा अंदाज भारतीय हवामान विभागाकडून वर्तवण्यात आला असून, रत्नागिरी, सिंधुदुर्ग, पालघर सह ठाणे, मुंबईला पावसाचा यलो अलर्ट जारी करण्यात आला आहे. या जिल्ह्यांमध्ये जोरदार पावसाची शक्यता आहे.
5 / 7
तसेच दुसरीकडे मराठवाड्यात देखील चांगल्या पावसाचा इशारा देण्यात आला आहे, पुढील काही दिवसांमध्ये मराठवाड्यातील जिल्ह्यांमध्ये पावसाचा जोर वाढण्याची शक्यता आहे.
6 / 7
उत्तर महाराष्ट्रात देखील पावसाची शक्यता आहे. या पावसामुळे शेतकऱ्यांना काही प्रमाणात का होईना दिलासा मिळणार आहे. तब्बल दीड महिन्याच्या प्रतीक्षेनंतर राज्यात जोरदार पवासाचा अंदाज हवामान विभागाकडून वर्तवण्यात आला आहे.
