Indurikar Maharaj : फुलांनी स्वागत, औक्षण आणि पंचपक्वांन्न… इंदोरीकर महाराजांच्या लेक-जावयाचं धोंडे जेवण, Photo समोर
इंदोरीकर महाराजांची कन्या ज्ञानेश्वरी आणि साहिल चिलप यांचा थाटामाटात विवाह सोहळा नुकताच पार पडला. मुख्यमंत्री, उपमुख्यमंत्र्यांसह अनेक मान्यवर उपस्थित होते. विवाहानंतर देवदर्शन आणि अधिक मासानिमित्त त्यांचे धोंडे जेवणही चर्चेत आले. फुलांनी स्वागत, औक्षण आणि केळीच्या पानावर खास पक्वान्नांचा बेत अशी या जेवणाची तयारी होती. या सोहळ्याचे फोटो, व्हिडीओ सोशल मीडियावर व्हायरल झाले आहेत.
प्रसिद्ध कीर्तनकार निवृत्ती काशिनाथ इंदोरीकर ऊर्फ इंदोरीकर महाराज हे प्रख्यात आहेत. त्यांच्याप्रमाणेच त्यांच्या कुटुंबियांबद्दलही जाणून घेण्याची लोकांना उत्सुकता असते. त्यांची लाडकी मुलगी ज्ञानेश्वरी हिचा 3 मे रोजी थाटामाटात विवाह झाला. त्यावेळी हजारो लोकांनी उपस्थित राहून नवविवाहीत जोडप्याला आशीर्वाद दिला. मुख्यमंत्री, उपमुख्यमंत्री यांच्यासह अनेक नेते,महत्वाची, मोठी मंडळीही या लग्नाला उपस्थित होती. ( Photo : Instgram / Social Media)
1 / 7
अहिल्यानगरच्या संगमनेर येथील गुंजाळवाडी येथे झालेल्या सोहळ्यात ज्ञानेश्वरी आणि साहिल चिलप यांचं लग्न पार पडलं. थाटामाटात पार पडलेल्या या विवाहाचे व्हिडीओ, फोटो सोशल मीडियावर व्हायरल झाले. लग्नानंतर साहिल आणि ज्ञानेश्वरी यांनी देवदर्शन घेत आशीर्वाद घेतला. त्याचेही फोटो, व्हिडीओ आता समोर आलेत. जेजुरीला ते गेले होते, तिथले फोटोही खूप व्हायरल झाले.
2 / 7
आता अधिक मास सुरू झाला असून या महिन्यात लेक आणि जावई यांना घरी बोलावून त्यांचा सन्मान करण्याची आणि 'वाण' देण्याची महाराष्ट्रात सुंदर परंपरा आहे. जावयाला विष्णूचे रूप मानून हे वाण दिलं जाते. नुकतंच इंदोरीकरांची लेक ज्ञानेश्वरी आणि साहिल यांचंही धोंडे जेवण पार पडलं.
3 / 7
गुलाबी रंगाची सुंदर साडी नेसेलेली ज्ञानेश्वरी आणि निळसर शर्ट, पँट असा पेहराव केलेले साहिल चिलप घरी येताच त्यांच्या फुलांच्या पाकळ्यांचा वर्षाव करून, स्वागत करण्यात आलं.हसतमुखाने आलेल्या या नवविवाहीत जोडप्याचं औक्षण करण्यात आलं. त्यांच्यासाठी खास बेत करण्यात आला होता.
4 / 7
सजावटीसाठी केळीच्या पानांचा बॅकड्रॉप, त्यावर ज्ञानेश्वरी - साहिल यांचा खास फोटो, सर्वांचं लक्ष वेधून घेत होता. त्यांच्या धोंडे जेवणाचे फोटो, व्हिडीओ सोशल मीडियावर व्हायरल झालेत.
5 / 7
यावेळी दोघांसाठी जेवणाचा खास बेत होता.आमरस, लाडू, कुरडया आणि अनेक पदार्थ त्या दोघांसाठी ताटात सुंदर सजवून मांडण्यात आले.
6 / 7
साहिल हे नवी मुंबईचे प्रसिद्ध उद्योजक सुनील विष्णू चिलप आणि मनिषा सुनील चिलप यांचे पुत्र आहेत. सुनील चिलप हे नवी मुंबईतील प्रसिद्ध उद्योजक आहे. साहिल यांनी इंजीनिअरिंगचं शिक्षण गेल्यावर्षीच पूर्ण केलं.तर इंदोरीकर महाराज यांची कन्या ज्ञानेश्वरी हिने एमसी डीसीएसचं शिक्षण पूर्ण केलंय. गेल्यावर्षी दोघेही शिक्षण घेत असतानाच कुटुंबाने लग्नाचा निर्णय घेतला. साहिल आणि ज्ञानेश्वरी दोघेही आईवडिलांच्या शब्दाच्या बाहेर नसल्याने त्यांनीही या लग्नाला होकार दिला.
