IPS अधिकाऱ्याने खाकी वर्दी घालून जय हिंद ऐवजी म्हटले ‘जजाकल्लाह’, याचा अर्थ नेमका काय असतो?
IPS Bushra Bano Controversy: पश्चिम बंगाल कॅडरच्या IPS अधिकारी बुशरा बानो सध्या खूप चर्चेत आहेत. त्यांनी AMU च्या एका कार्यक्रमाबाबत व्हिडीओ बनवला होता, ज्यात काही धार्मिक शब्दांचा वापर केला गेला होता.
पश्चिम बंगालच्या IPS अधिकारी बुशरा बानो यांच्याबाबतचा वाद सातत्याने वाढत आहे. त्यांनी अलीगड मुस्लिम युनिव्हर्सिटीमध्ये मोफत UPSC कोचिंगबाबत एक व्हिडीओ जारी केला होता, ज्यात काही इस्लामिक शब्दांचा वापर केला गेला. यावेळी त्या वर्दीत बसलेल्या दिसत होत्या. त्यामुळे त्यांच्यावर आरोप लावले जात आहेत की, ड्यूटीदरम्यान त्या कसे धार्मिक अभिवादनाचा वापर करू शकतात. आपल्या व्हिडीओच्या शेवटी बुशरा बानोने ‘जजाकल्लाह’ही म्हटले होते, ज्याबाबतही प्रश्न उपस्थित होत आहेत. त्यामुळे IPS बुशरा बानोने ज्या शब्दांचा वापर केला, त्यांचा अर्थ काय आहे? असा प्रश्न अनेकांना पडला आहे.
1 / 5
इस्लाममध्ये ‘जजाकल्लाह’ शब्दाचा वापर खूप सामान्य आहे. जेव्हाही कोणाला धन्यवाद द्यायचे असते किंवा एखाद्या गोष्टीच्या बदल्यात काही चांगले म्हणायचे असते, तेव्हा ‘जजाकल्लाह’ म्हटले जाते. याचा अर्थ अल्लाह तुम्हाला या कामाचे चांगले इनाम देईल, किंवा अल्लाह तुम्हाला याचे फळ देईल, असा होतो. सामान्यतः मुस्लिम धर्माचे पालन करणारे लोक याचा वापर करतात.
2 / 5
बुशरा बानोने आपल्या व्हिडीओमध्ये इंशाअल्लाहही म्हटले होते. ड्यूटीदरम्यान या शब्दावरही आक्षेप घेतला जात आहे. ‘इंशाअल्लाह’चा अर्थ ‘ईश्वराची इच्छा’ किंवा ‘अल्लाहची इच्छा असेल तर...’ असा होतो. जेव्हाही लोक एखादे काम सुरू करण्याचा उल्लेख करतात किंवा काही चांगले करायला जातात, तेव्हा ‘इंशाअल्लाह’ म्हटले जाते.
3 / 5
IPS बुशरा बानो यांची कहाणी खूप प्रेरणादायी आहे, कारण त्यांनी अनेक अडचणींना तोंड देत आपली स्वप्ने पूर्ण केली. दोन मुले आणि कुटुंबाची जबाबदारी सांभाळत त्यांनी तयारी सुरू ठेवली आणि एकदा नव्हे तर दोनदा UPSC क्लिअर केले. लग्नानंतर त्यांना सौदीला जावे लागले, जिथे त्यांनी युनिव्हर्सिटीत प्रोफेसरची नोकरी केली होती. मात्र काही वर्षांनंतर त्या IPS बनण्याचे स्वप्न पूर्ण करण्यासाठी भारतात परत आल्या. IPS होण्यापूर्वी त्यांनी UP PCS क्लिअर केले होते आणि SDM पदावर तैनात होत्या.
4 / 5
IPS अधिकारी बुशरा बानो अलीगड मुस्लिम युनिव्हर्सिटीतून शिकलेल्या आहेत. त्या आजही युनिव्हर्सिटीच्या अनेक इव्हेंट्स फॉलो करतात आणि विद्यार्थ्यांनाही त्याबाबत सांगतात. त्यांनी विद्यार्थ्यांसाठी एक व्हिडिओ शेअर केला होता, ज्यात त्यांनी AMU च्या कोचिंग सुविधेचा उल्लेख केला आणि सांगितले की, याचा त्यांनाही फायदा झाला होता. यावेळी त्यांनी अस्सलामु अलैकुम, इंशाअल्लाह आणि जजाकल्लाह यासारख्या शब्दांचा वापर केला, ज्याबाबत आता लोक त्यांना लक्ष्य करत आहेत.
