Marathi News Photo gallery Multibagger stock tata chemicals share big leap in down market 11 percent hike in weak market
Multibagger stock: बाजार घायकुतेला, पण TATA च्या या शेअरमध्ये तुफान तेजी, गुंतवणूकदारांचा भांगडा
Multibagger Stock: आज शेअर बाजार गडगडला. सेन्सेक्स आणि निफ्टी दोन्ही दणकावून आपटले. डोनाल्ड ट्रम्प हे सारखे बरळत असल्याने बाजाराचा मूड स्वींग होत आहे. अशा वातावरणातही टाटा समूहातील या कंपनीने गुंतवणूकदारांना मालामाल केले.
Tata Chemicals Share: आज बाजाराने पुन्हा गटांगळी खाल्ली. सेन्सेक्स आणि निफ्टी जोरदार आपटले. गुंतवणूकदारांना मोठा फटका बसला. इराण युद्ध सुरू झाल्यापासून बाजाराची मनस्थिती चांगली नसल्याचे अनेकदा समोर आले आहे. बाजारात तेजी येणे स्वप्न आता दुरापास्त होत आहे. तरीही काही कंपन्या चांगली कामगिरी बजावत आहेत.
1 / 6
टाटा समूहाची कंपनी टाटा केमिकल्सच्या शेअरमध्ये गुरुवारी मोठे तुफान आले. कंपनीचा शेअर तेजीत दिसला. टाटा केमिकल्सचा शेअर गुरुवारी BSE मध्ये इंट्राडे दरम्यान 11 टक्क्यांहून अधिक उसळला. हा शेअर आज 675.95 रुपयांवर पोहचला.
2 / 6
गेल्या दोन दिवसात टाटा केमिकल्सच्या शेअरमध्ये 15 टक्क्यांहून अधिकची तेजी दिसून आली. टाटा केमिकल्सच्या शेअरमध्ये थोडावेळ विक्रीचे सत्र दिसून आले. कंपनीचा शेअर 6 महिन्यात 25 टक्क्यांहून अधिक घसरला आहे. तर या पडत्या काळात या शेअरने मोठी झेप घेतली आहे.
3 / 6
टाटा केमिकल्सच्या शेअरमध्ये 52 आठवड्यातील उच्चांक 1026 रुपये तर 52 आठवड्यातील निच्चांकी कामगिरी 581.30 रुपये इतकी आहे. बाजाराच्या घसरणीचा फटका अर्थात कंपनीला बसला आहे. कंपनीच्या तिमाही निकालातून ही बाब समोर आली आहे.
4 / 6
Tata Chemicals कंपनीला चालू आर्थिक वर्षाच्या तिसऱ्या तिमाहीत 93 कोटी रुपयांचा तोटा झाला. कंपनीने यापूर्वीच्या तिमाहीत 53 कोटींचा तोटा झाला. डिसेंबर 2025 च्या तिमाहीत कंपनीच्या महसूलात 1.11 टक्क्यांनी घसरून 3550 कोटी रुपयांवर आला होता.
5 / 6
डिस्क्लेमर : टीव्ही 9 मराठी कुठल्याही स्टॉक, म्युच्युअल फंड, आयपीओमध्ये गुंतवणूक करण्याचा सल्ला देत नाही. येथे केवळ त्याची माहिती देण्यात आली आहे. गुंतवणुकीपूर्वी तज्ज्ञाचा, आर्थिक सल्लागाराचा सल्ला आवश्य घ्या.
