T20 World Cup 2026 : सर्वात मोठा रेकॉर्ड ब्रेक, टीम इंडियाची एक नंबर कामगिरी, सूर्यासेनेने काय केलं?
Icc T20 World Cup 2026: टी 20i वर्ल्ड कप स्पर्धेच्या इतिहासात 10 व्या पर्वात गतविजेता टीम इंडियाने साखळी फेरीत विजयी चौकार लगावला. तसेच या पर्वात एक मोठा विक्रमही मोडीत निघालाय. जाणून घ्या.
आयसीसी टी 20i वर्ल्ड कप स्पर्धेच्या दहाव्या पर्वात (Icc T20i World Cup 2026) आतापर्यंत अनेक विक्रम मोडीत निघाले आहेत. यंदा वर्ल्ड कप स्पर्धेच्या एका पर्वात 43 सामन्यांतच सर्वाधिक षटकारांचा विक्रम मोडीत निघाला आहे. या स्पर्धेच्या 10 व्या पर्वात 520 पेक्षा जास्त षटकारांची नोंद करण्यात आली आहे. (Photo Credit : PTI)
1 / 5
टी 20I वर्ल्ड कप स्पर्धेतील 10 व्या पर्वात 13 सामने शेष असतानाच हा विक्रम मोडीत निघाला आहे. 10 व्या पर्वातील 43 व्या सामन्यापर्यंत 530 षटकारांची नोंद झाली आहे. त्यामुळे या पर्वात षटकारांचा आकडा 600 पार जाण्याची शक्यता नाकारता येत नाही. (Photo Credit : PTI)
2 / 5
यंदाच्या 10 व्या पर्वात एकूण 20 संघांतील खेळाडूंनी षटकारांचा पाऊस पाडत फटकेबाजी केली. अशाप्रकारे टी 20I वर्ल्ड कप स्पर्धेतील नवव्या पर्वातील (Icc T20i World Cup 2024) षटकारांचा विक्रम मोडीत निघाला. 2024 टी वर्ल्ड कप स्पर्धेतील नवव्या पर्वात एकूण 517 षटकार नोंदवण्यात आले होते. यासह वर्ल्ड कप स्पर्धेच्या इतिहासात सलग 2 पर्वात 500 पेक्षा अधिक षटकारांची नोंद होण्याची ही पहिलीच वेळ ठरली. (Photo Credit : PTI)
3 / 5
भारताच्या फलंदाजांनी या नवव्या पर्वात षटकारांबाबत जबरदस्त कामगिरी केली आहे. शिवम दुबे आणि इशान किशन या डावखुऱ्या फलंदाजांनी कमाल केली आहे. दोघेही या नवव्या पर्वात 43 व्या सामन्यापर्यंत सर्वाधिक षटकारांबाबत संयुक्तरित्या पहिल्या स्थानी विराजमान होते. शिवम आणि इशानच्या नावावर 11 षटकारांची नोंद आहे. तसेच पाकिस्तानच्या साहिबजादा फरहान यानेही 11 षटकार लगावले. (Photo Credit : PTI)
4 / 5
तसेच या वर्ल्ड कप स्पर्धेतील दहाव्या पर्वात सर्वात लांब सिक्स मारण्याचा विक्रम हा हार्दिक पंड्या याच्या नावावर आहे. हार्दिकने नामिबिया विरूद्धच्या सामन्यात 109 मीटर लांब सिक्स लगावला होता. तर शिवम दुबे याने 107 मीटर लांब सिक्स लगावला आहे. (Photo Credit : PTI)
