डॉलर नव्हे तर हे आहेत जगातील सर्वात महागडे चलन, भारतीय रुपया कितव्या क्रमांकावर?
जगातील सर्वात महागड्या चलनांच्या यादीत अमेरिकन डॉलर कितव्या क्रमांकावर आहे? कुवैती दिनार, बहरीनी दिनार आणि ओमानी रियाल यांसारख्या चलनांचे भारतीय रुपयातील मूल्य आणि जागतिक बाजारपेठेतील त्यांची ताकद याबद्दल सविस्तर जाणून घ्या.
एखाद्या देशाच्या चलनाचे मूल्य हे केवळ कागदाचा तुकडा नसून, ते त्या देशाच्या आर्थिक आरोग्याचे प्रतीक असते. आर्थिक स्थिरता, कमी महागाई दर आणि प्रभावी चलनविषयक धोरणे यांवर चलनाची ताकद अवलंबून असते. सामान्यतः अमेरिकन डॉलरला सर्वात शक्तिशाली मानले जात असले, तरी एक्सचेंज रेटमध्ये डॉलरलाही मागे टाकणारी अनेक चलने अस्तित्वात आहेत.
1 / 8
कुवैती दिनार हे जगातील सर्वात महागडे चलन आहे. एका कुवैती दिनारचे मूल्य सुमारे ३.२७ अमेरिकन डॉलर्स इतके आहे. भारतीय चलनात विचार केल्यास, एक कुवैती दिनार साधारण २७० ते ३०० रुपयांच्या बरोबरीचा ठरतो.
2 / 8
बहरीनी दिनार (BHD): दुसऱ्या क्रमांकावर बहरीनचे चलन आहे. तेल आणि वायूच्या मोठ्या प्रमाणावरील निर्यातीमुळे हे चलन अत्यंत स्थिर आहे. एका बहरीनी दिनारची किंमत २.६५ अमेरिकन डॉलर्स असून, भारतीय चलनात याचे मूल्य सुमारे २४० ते २४९ रुपये आहे.
3 / 8
ओमानी रियाल (OMR): ओमान हा प्रमुख तेल उत्पादक देश असल्याने त्यांचे चलन यादीत तिसऱ्या स्थानावर आहे. एका ओमानी रियालचे मूल्य २.६० अमेरिकन डॉलर्स (सुमारे २३८ ते २४४ भारतीय रुपये) इतके आहे.
4 / 8
जॉर्डनियन दिनार (JOD): जॉर्डनमध्ये मोठ्या प्रमाणात तेल साठे नसले तरी, तिथल्या मध्यवर्ती बँकेची कडक धोरणे आणि मजबूत परकीय चलन साठ्यामुळे हे चलन चौथ्या क्रमांकावर आहे. याचे मूल्य १.४१ अमेरिकन डॉलर्स (सुमारे १२० ते १३२ भारतीय रुपये) निश्चित करण्यात आले आहे.
5 / 8
ब्रिटिश पाउंड (GBP): जगातील सर्वात जुने आणि अत्यंत विश्वसनीय चलन म्हणून ब्रिटिश पाउंड ओळखले जाते. ब्रिटनची भक्कम अर्थव्यवस्था याला स्थिरता देते. एका पाउंडचे मूल्य १.३६ अमेरिकन डॉलर्स (सुमारे १०४ ते १०९ भारतीय रुपये) आहे.
6 / 8
जिब्राल्टर पाउंड (GIP): जिब्राल्टर हे ब्रिटिश परदेशीय क्षेत्र असल्याने त्यांच्या चलनाचे मूल्य ब्रिटिश पाउंडच्या बरोबरीनेच (१.३६ अमेरिकन डॉलर्स) चालते. तिथली बँकिंग प्रणाली थेट यूकेशी जोडलेली आहे.
7 / 8
या जागतिक स्पर्धेत भारतीय रुपया सध्या ४४ व्या क्रमांकावर आहे. त्यामुळे विकसित आणि प्रगत अर्थव्यवस्थांच्या तुलनेत रुपयाचे मूल्य सध्या बरेच खाली असल्याचे दिसून येते.
