Vishal Dadlani: फार्महाऊस असावं तर असं.. विशाल ददलानीचं पुण्याजवळ डोंगर-तलावाच्या कुशीत आलिशान घर
Vishal Dadlani: एकीकडे डोंगर-तलावाचं अप्रतिम दृश्य, तर दुसरीकडे संगीतासाठी खास जागा आणि आरामदायी इंटेरिअर—विशाल ददलानीचं हे फार्महाऊस त्यांच्या व्यक्तिमत्त्वाची वेगळीच झलक दाखवतं.
बॉलिवूडमधील प्रसिद्ध गायक आणि संगीतकार विशाल ददलानीच्या पुण्याजवळील फार्महाऊसची सध्या चांगलीच चर्चा आहे. दिग्दर्शिका फराह खानने तिच्या युट्यूब व्लॉगमधून विशालच्या या खास घराची झलक दाखवली आणि त्यानंतर या फार्महाऊसच्या इंटेरिअरपासून निसर्गरम्य लोकेशनपर्यंत अनेक गोष्टी सोशल मीडियावर चर्चेत आल्या आहेत.
1 / 8
विशेष म्हणजे, हे घर केवळ आलिशान नसून विशालच्या संगीतप्रेमाचीही झलक त्यातून पाहायला मिळते. विशालने हे दोन मजली फार्महाऊस ‘ओम शांती ओम’ चित्रपटाच्या कामानंतर घेतल्याचं सांगितलं आहे. 2010 ते 2013 या काळात या घराचं बांधकाम करण्यात आलं.
2 / 8
घराची सर्वात मोठी खासियत म्हणजे त्याच्या आजूबाजूचा निसर्ग. घरातून डोंगर आणि तलावाचं मनमोहक दृश्य दिसतं. अगदी किचनचा अपवाद वगळता जवळपास प्रत्येक भागातून निसर्गाचा आनंद घेता येतो.
3 / 8
विशालच्या फार्महाऊसमध्ये प्रशस्त बॅकयार्ड असून त्यात सुंदर स्विमिंग पूल आहे. घराभोवती हिरवळ, मोठी झाडं आणि बोगनवेलची झाडं दिसतात. त्यामुळे या जागेला एक शांत, निवांत आणि रिसॉर्टसारखा लूक मिळतो.
4 / 8
घरातील लिव्हिंग रूमही खास पद्धतीने सजवण्यात आली आहे. ती वरच्या मजल्यावर असून तिथे मोठा सोफा आणि दगडी भिंतींचा आकर्षक वापर करण्यात आला आहे. घराच्या दोन्ही मजल्यांवर स्टोन-क्लॅड भिंती दिसतात. लाकडी फर्निचर आणि जिन्यांमुळे घराच्या इंटेरिअरला वेगळा टच मिळतो.
5 / 8
या घरातील आणखी एक लक्षवेधी गोष्ट म्हणजे इनडोअरसोबतच आउटडोअर जिना. पहिल्या मजल्यावरील बाल्कनीतून हा जिना थेट पूलच्या भागात येतो. पूलजवळील जागेत पॅटिओ स्टाइल फर्निचर ठेवण्यात आलं असून संपूर्ण परिसराला बीच-हाऊससारखा आरामदायी लूक देण्यात आला आहे.
6 / 8
विशालने त्याच्या फार्महाऊसमध्ये होम म्युझिक स्टुडिओ तयार केला आहे. या स्टुडिओमध्ये स्पीकर्स, संगीताशी संबंधित उपकरणं आणि पोस्टर्स पाहायला मिळतात. मात्र या स्टुडिओचं सेटअप अद्याप पूर्ण झालेलं नसल्याचंही समोर आलं.
7 / 8
विशालच्या संगीतप्रेमाची खास झलक इथे दिसते. त्याच्याकडे मायकेल जॅक्सनच्या ‘Thriller’ अल्बमची स्वाक्षरी केलेली प्रत असून ती त्याने लिलावातून विकत घेतली आहे. याशिवाय फराह खान आणि शाहरुख खान यांच्या स्वाक्षरी असलेलं ‘ओम शांती ओम’चं पोस्टरही घरात पाहायला मिळतं.
