Video : औरंगाबादेत शिवसेनेच्या कार्यालयात भाजप कार्यकर्त्याला खरंच मारहाण? शिवसेनेनं थेट सीसीटीव्ही फुटेज दिलं!

मारहाण करणाऱ्या शिवसैनिकांवर गुन्हा दाखल करण्याची मागणी करण्यात येत आहे. तर दुसरीकडे शिवसेनेकडून मात्र भाजपचा आरोप फेटळण्यात येतोय. भाजप कार्यकर्त्याला मारहाण झालीच नसल्याचं शिवसेना नेत्यांकडून सांगण्यात येत आहे.

औरंगाबाद संदिपान भुमरेच्या कार्यालयातील सीसीटीव्ही फुटेज

Reporter Datta Kanwate | Edited By: sagar joshi | Updated on: Jul 27, 2021 | 10:29 AM

औरंगाबाद : औरंगाबादेत शिवसेनेच्या कार्यालयात एका भाजप कार्यकर्त्याला मारहाण झाल्याचा आरोप करण्यात येत आहे. त्यावरुन शिवसेना आणि भाजपमध्ये आरोप-प्रत्यारोपाच्या फैरी झडत आहेत. भाजपकडून गोविंद केंद्रे यांना मारहाण झाल्याचा आरोप करण्यात येत आहे. मारहाण करणाऱ्या शिवसैनिकांवर गुन्हा दाखल करण्याची मागणी करण्यात येत आहे. तर दुसरीकडे शिवसेनेकडून मात्र भाजपचा आरोप फेटळण्यात येतोय. भाजप कार्यकर्त्याला मारहाण झालीच नसल्याचं शिवसेना नेत्यांकडून सांगण्यात येत आहे. (CCTV footage of ShivSena’s Sandipan Bhumare’s office after allegations that a BJP worker was beaten)

शिवसेनेच्या कार्यालयात भाजप कार्यकर्त्याला मारहाण झालीच नाही असा दावा शिवसेनेकडून करण्यात येतोय. हा दावा करताना शिवसेनेकडून संदीपान भुमरे यांच्या कार्यालयातील सीसीटीव्ही फुटेजचा दाखला दिला जात आहे. या सीसीटीव्ही फुटेजमध्ये भाजप कार्यकर्त्याला मारहाण झाल्याचं दिसून येत नाही. याबाबत शिवसेनेचे जिल्हाप्रमुख आणि आमदार अंबादास दानवे आणि भाजपचे शहराध्यक्ष संजय केनेकर यांच्यात आरोप-प्रत्यारोपाच्या फैरी झडत होत्या. दरम्यान मारहाण झालेल्या कार्यकर्त्याची प्रकृती स्थित असल्याची माहिती मिळतेय.

भाजप कार्यकर्ते गोविंद केंद्रे यांना मारहाण झाल्याचा आरोप भाजपकडून करण्यात आला होता. शिवसेनेचे नगरसेवक राजेंद्र जंजाळ यांनी शिवसेनेचे मंत्री संदीपान भुमरे यांच्या कार्यालयात घेऊन जात मारहाण केल्याचा आरोप होतोय. त्यानंतर गोविंद केंद्रे यांची प्रकृती नाजूक असून त्यांच्यावर सिग्ना रुग्णालयात उपचार सुरु असल्याची माहिती भाजपकडून देण्यात आली होती. मात्र, आता संदीपान भुमरे यांच्या कार्यालयातील सीसीटीव्ही फुटेजमुळे या प्रकरणाला नवीन वळण मिळणार का? हे पाहणं महत्वाचं ठरणार आहे.