मनसेच्या मोर्चासाठी भाजप आमदाराच्या गाड्या

महाराष्ट्र नवनिर्माण सेनेच्या मोर्चासाठी भाजपकडून बस गाड्या देण्यात आल्या असल्याचे सांगितलं (BJP give buses for mns morcha) जात आहे.

BJP give buses for mns morcha, मनसेच्या मोर्चासाठी भाजप आमदाराच्या गाड्या

पुणे : महाराष्ट्र नवनिर्माण सेनेच्या मोर्चासाठी भाजपकडून बस गाड्या देण्यात आल्या असल्याचे सांगितलं (BJP give buses for mns morcha) जात आहे. आज (9 फेब्रुवारी) मनसेचा मुंबईत बांगलादेशी आणि पाकिस्तानी घुसखोरांविरोधात मोर्चा आयोजित करण्यात आला आहे. या मोर्चासाठी संपूर्ण महाराष्ट्रातून मनसे कार्यकर्ते मुंबईत दाखल (BJP give buses for mns morcha) होत आहेत.

मनसेचे पुण्यातील कार्यकर्तेही मोर्चासाठी येण्यास निघाले आहेत. विशेष म्हणजे यासाठी ज्या बस वापरल्या आहेत. त्या बसेस भाजपचे भोसरी मतदारसंघाचे आमदार महेश लांडगे यांच्या असल्याचे म्हटलं जात आहे. या बसेसवर आमदार महेश लांडगे यांचे नावही दिसत आहेत. तसेच कार्यकर्त्यांसोबत भाजपचेही काही कार्यकर्ते आहेत, अशी माहिती मिळत आहे.

कसा असेल मनसेच्या मोर्चाचा मार्ग?

दुपारी 12 वाजता गिरगाव चौपाटीवरील हिंदू जिमखाना येथून मोर्चाला सुरुवात होईल. स्वतः राज ठाकरे मोर्चात सामील होतील. सर्व कार्यकर्ते, मोर्चात सहभागी होणाऱ्या संघटना आणि सर्वसामान्य नागरिक मागे असतील.

शामलदास गांधी मार्गावरुन हा मोर्चा पुढे जाईल. तिथून मेट्रो सिनेमा भागात मोर्चा पोहचल्यानंतर राज ठाकरे आणि काही नेते महापालिका मार्गावरुन आझाद मैदानात आत जातील. मनसे कार्यकर्ते आणि मोर्चात सहभागी झालेल्या व्यक्ती फॅशन स्ट्रीटच्या समोरील रस्त्यावरुन तीन गेटनी आझाद मैदानात आत जातील.

आझाद मैदानात उभारलेल्या भव्य स्टेजवर आधी मनसे नेत्यांची भाषणं होतील. अखेरीस मनसे अध्यक्ष राज ठाकरे यांचं भाषण होईल. हा मोर्चा का काढण्यात आला आहे, याचा उद्देश काय, हे राज ठाकरे आपल्या भाषणातून जाहीर करतील. यानंतर मोर्चाची सांगता होईल.

कमेंट करा

कमेंट करा

Your email address will not be published. Required fields are marked *