फडणवीसांच्या नागपुरात काँग्रेसच्या जोर बैठका, नाना पटोलेंच्या मार्गदर्शनाला नितीन राऊतांची गैरहजेरी!
नागपूरच्या बैठकीत काँग्रेस कार्यकर्ते आणि पदाधिकाऱ्यांना नाना पटोले यांचं मार्गदर्शन लाभलं. पण या बैठकीला नितीन राऊतांची मात्र गैरहजेरी होती.
नागपूर : काँग्रेसने नागपूर महानगरपालिका निवडणुकीची तयारी सुरु केलीय. नागपूर महानगरपालिकेवर गेल्या 15 वर्षांपासून भाजपची सत्ता आहे. ही सत्ता उलथलण्यासाठी काँग्रेसने जोर लावलाय. याचाच एक भाग म्हणून काँग्रेस प्रदेशाध्यक्ष नाना पटोले (Nana Patole) यांच्या उपस्थितीत काँग्रेसची आढावा बैठक घेण्यात आलीय. या बैठकीत काँग्रेस कार्यकर्ते आणि पदाधिकाऱ्यांना नाना पटोले यांचं मार्गदर्शन लाभलं. पण या बैठकीला उर्जामंत्री आणि नागपूरमधील स्थानिक नेते नितीन राऊतांनी (Nitin Raut) मात्र गैरहजेरी होती.
नाना पटोलेंच्या मार्गदर्शनाला नितीन राऊतांची गैरहजेरी!
यंदा काहीही करुन नागपूर महापालिकेवरचा भाजपचा झेंडा खाली उतरवायचा, असा निश्चय काँग्रेसने केला आहे. आतापासूनच काँग्रेस नेते, कार्यकर्ते, पदाधिकारी त्यादृष्टीने कामाला लागले आहेत. त्याच अनुषंगाने आजची महत्त्वाची बैठक प्रदेशाध्यक्ष नाना पटोले यांनी बोलावली. पण या बैठकीला काँग्रेसचे पहिल्या फळीतील नेते उर्जामंत्री नितीन राऊतांनीच गैरहजेरी लावली.
नाना पटोलेंचं काँग्रेस कार्यकर्त्यांना मार्गदर्शन
काँग्रेसने नागपूर महानगरपालिका निवडणूकीची तयारी सुरु केलीय. याचाच एक भाग म्हणून प्रदेशाध्यक्ष नाना पटोले यांच्या उपस्थितीत काँग्रेसची आढावा बैठक घेण्यात आलीय. यावेळी प्रदेशाध्यक्षांनी काँग्रेस कार्यकर्त्यांच्या भावना आणि अडचणी जाणून घेतल्या आणि भाजपला टक्कर देण्यासाठी कामाला लागण्याचे आदेश नाना पटोले यांनी दिले.
फडणवीसांच्या मतदारसंघातून भाजपला हादरे देण्याची व्यूव्हरचना
पहिल्या दिवशी नागपुरातील तीन विधानसभा मतदारसंघात आढावा बैठकांचं नियोजन करण्यात आलं. विरोधीपक्ष नेते देवेंद्र फडणवीस यांच्या नागपूर दक्षिण – पश्चिम मतदारसंघातून नाना पटोले यांनी आढावा बैठकी घ्यायला सुरुवात केली. म्हणजेच राज्याच्या विरोधी पक्षनेत्यांच्या मतदारसंघातूनच भाजपला हादरे देण्याची व्यूव्हरचना काँग्रेस प्रदेशाध्यक्षांनी आखली.
(Congress Meeting in Nagpur Presence of Nana Patole Nitin Raut Absent)
हे ही वाचा :
पूर आणि दरडग्रस्तांना तातडीने रोख मदत करा; देवेंद्र फडणवीस यांची मागणी
