‘म्हणे फडणवीसांना अटक करा, अटक मटक चवळी चटक वाटलं की काय?’ चित्रा वाघ यांनी उडवली चाकणकरांची खिल्ली

भाजपच्या नेत्या चित्रा वाघ यांनी चाकणकरांची जोरदार खिल्ली उडवली आहे. फडणवीसांना अटक करणं म्हणजे अटक मटक चवळी चटक वाटलं की काय? असा खोचक सवाल चित्रा वाघ यांनी विचारलाय.

'म्हणे फडणवीसांना अटक करा, अटक मटक चवळी चटक वाटलं की काय?' चित्रा वाघ यांनी उडवली चाकणकरांची खिल्ली
भाजप नेत्या चित्रा वाघ आणि राष्ट्रवादी महिला काँग्रेस अध्यक्षा रुपाली चाकणकर
सागर जोशी

|

Apr 19, 2021 | 3:37 PM

मुंबई : रेमडेसिव्हीर इंजेक्शनच्या पुरवठ्यावरुन राज्यात विरोधक आणि सत्ताधारी यांच्यात जोरदार राजकारण रंगलंय. विरोधी पक्षनेते देवेंद्र फडणवीस यांनी पोलिसांवर दबाव टाकल्याचा आरोप करत फडणवीसांना अटक करण्याची मागणी राष्ट्रवादी महिला काँग्रेसच्या अध्यक्षा रुपाली चाकणकर यांनी केलीय. त्यावरुन आता भाजपच्या नेत्या चित्रा वाघ यांनी चाकणकरांची जोरदार खिल्ली उडवली आहे. फडणवीसांना अटक करणं म्हणजे अटक मटक चवळी चटक वाटलं की काय? असा खोचक सवाल चित्रा वाघ यांनी विचारलाय. (Chitra Wagh criticizes Rupali Chakankar)

“उठले कि निघाले आरोप करायला आता काय तर म्हणे देवेंद्र फडणवीस यांना अटक करा. अटक मटक चवळी चटक वाटलं कि काय? रेमडेसिव्हीर राज्यसरकारलाचं देणार होते. संबंधीत मंत्र्यांशी CSसाहेबांशी बोलणं झालेलं. माहिती तर घ्यायची आधी. सरकार म्हणतं सहकार्य करा. आम्ही करत आहोत व करणारचं पण या बावळटांना आवरा रे” असं ट्वीट करत चित्रा वाघ यांनी रुपाली चाकणकर यांच्या मागणीची खिल्ली उडवली आहे.

गृहमंत्री वळसे-पाटलांनाही आव्हान

दरम्यान, पोलिसांवर दबाव टाकणं सहन केलं जाणार नाही, असं गृहमंत्री दिलीप वळसे-पाटील यांनी म्हटलं होतं. एकप्रकारे त्यांनी भाजप नेत्यांना इशाराच दिलाय. त्यावरुनही चित्रा वाघ यांनी गृहमंत्र्यांना आव्हान दिलंय. “गृहमंत्री जी ब्रूक फार्मा कंपनीच्या संचालकांना कुठल्या मंत्र्याच्या OSD ने फोन करून धमकावलं तो मंत्री कोण ? त्याने का आणि कुणाच्या सांगण्यावरून धमकावलं?, ह्याची ही माहिती पोलिसांनी आपल्याला दिलीचं असेल, ते ही सांगा महाराष्ट्राच्या जनतेला”, असं ट्वीट वाघ यांनी केलं आहे.

फडणवीसांना अटक करा- चाकणकर

रेमडेसिविर इंजेक्शन्सचा साठा केल्याचा संशय असलेल्या ब्रूक फार्माच्या मालकाच्या पोलीस चौकशीवर आक्षेप घेणारे राज्याचे विरोधी पक्षनेते देवेंद्र फडणवीस यांच्यावर गुन्हा दाखल करा, अशी मागणी राष्ट्रवादी काँग्रेसच्या महिला प्रदेशाध्यक्ष रुपाली चाकणकर यांनी केली आहे. देवेंद्र फडणवीस यांनी सरकारी कामात अडथळा आणून त्रास दिला, असा आरोप चाकणकर यांनी केला. त्या सोमवारी पुण्यात प्रसारमाध्यमांशी बोलत होत्या. यावेळी त्यांनी देवेंद्र फडणवीस यांना अटक करा, अशी मागणी राज्याचे गृहमंत्री दिलीप वळसे-पाटील यांच्याकडे केली. त्यामुळे आता गृहमंत्री यावर काय भूमिका घेणार, याकडे सर्वांचे लक्ष लागले आहे.

संबंधित बातम्या :

मीदेखील विरोधी पक्षनेता होतो, पण संकटाच्या काळात कधीही असला खेळ खेळला नाही; खडसेंनी फडणवीसांना फटकारले

केंद्र सरकारविरोधात अफवा पसरवली, नवाब मलिकांविरोधात भातखळकरांची पोलिसांत तक्रार

Chitra Wagh criticizes Rupali Chakankar

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें