Astrology : घराच्या छतावर पताका लावण्याचे आहेत आनेक फायदे, जोतिषशास्त्रानुसार या दोषापासून मिळते सुटका

मुंबई : राहूला वैदिक ज्योतिषशास्त्रात अत्यंत क्रूर ग्रह मानले जाते. वास्तुशास्त्र आणि ज्योतिष शास्त्रात राहूचे विशेष महत्त्व सांगितले आहे. वास्तूनुसार घराच्या वेगवेगळ्या भागांवर वेगवेगळ्या ग्रहांचा प्रभाव असतो. घराच्या या भागांमध्ये काही दोष असल्यास ते ग्रह अशुभ परिणाम देऊ लागतात.  घराचा नैऋत्य कोपरा, शौचालय, पायऱ्या, गच्ची आणि काटेरी झाडांच्या सभोवतालची जागा राहूची मानली जाते. घरात राहूचा दोष असल्यास जीवनात अनेक अशुभ घटना घडू लागतात. राहू अशुभ असेल तेव्हा त्याला शांत करण्याचा प्रयत्न करावा. ज्योतिष शास्त्रानुसार घराच्या छतावर झेंडा म्हणजेच पताका (Importance of Bhagwa Dhwaj) लावल्याने राहूचा अशुभ प्रभाव पडत नाही.

घराच्या छतावर पताका लावण्याचे फायदे

सनातन संस्कृतीत प्रतीकांना विशेष महत्त्व मानले गेले आहे. यामध्ये ध्वज आणि पताका अत्यंत महत्त्वाच्या मानल्या जातात. ध्वज आणि चिन्ह यांना सामान्य भाषेत ध्वज म्हणतात. पताका त्रिकोणी असतात तर ध्वज चौकोनी असतो. प्राचीन काळापासून प्रत्येक घरावर ध्वज फडकवण्याची परंपरा आहे. याचे काही नियम आणि फायदे आहेत.

हिंदू परंपरेत भगवा ध्वज फडकावण्याचे महत्त्व आहे. भगवा, भगवा हा रंग ऊर्जा, शौर्य, अध्यात्म आणि सात्त्विकता यांचे प्रतीक आहे. त्यात सूर्य चमकतो. वेद, उपनिषद आणि पुराणातही भगव्या ध्वजाचे महत्त्व सांगितले आहे. धार्मिक स्थळांवर फक्त भगव्या रंगाचा ध्वज लावला जातो. कोणत्याही शुभ कार्यात ध्वज फडकवण्याचीही परंपरा आहे. त्याचे महत्त्व केवळ उपासनेपुरते मर्यादित नाही. यामुळे वास्तुदोष दूर होतात आणि नकारात्मक शक्तींपासून घराचे रक्षण होते.

घराच्या छताला पत्रिकेतील बारावे घर म्हणतात. यामध्ये दोष असल्यास व्यक्तीचा खर्च, आर्थिक नुकसान आणि पैशाची हानी होते. जोतिषशास्त्राच्या सिद्धांतानुसार राहू कुंडलीच्या बाराव्या घरात वाईट प्रभाव देतो. राहूच्या वाईट प्रभावामुळे माणसाला संकटांनी घेरले जाते. अशा स्थितीत घराच्या छतावर ध्वज लावल्यास अशुभ ग्रहांचे दोष दूर होतात.

(वरील माहिती उपलब्ध स्रोतावरून देण्यात आलेली आहे.याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)