Mahesh Navami 2023 : या तारखेला आहे महेश नवमी, सुख शांती आणि धन प्राप्तीसाठी अशा प्रकारे करा महादेवाची पुजा

मुंबई : पंचांगानुसार, महेश नवमीचा (Mahesh Navami 2023) उत्सव दरवर्षी ज्येष्ठ महिन्यातील शुक्ल पक्षाच्या नवमी तिथीला साजरा केला जातो. महेश नवमी ही भगवान शिवाला समर्पित आहे. या तिथीला भगवान भोलेनाथांच्या आशीर्वादाने माहेश्वरी समाजाचा जन्म झाला अशी धार्मिक श्रद्धा आहे. अशा परिस्थितीत माहेश्वरी समाजासाठी हा दिवस अत्यंत महत्त्वाचा मानला जातो. महेश हे भगवान शिवाचे नाव देखील आहे आणि या दिवशी भगवान शिव आणि माता पार्वतीची विधिवत पूजा केल्याने शुभ परिणाम प्राप्त होतात. या वर्षी महेश नवमीची तारीख, शुभ मुहूर्त आणि महत्त्व जाणून घेऊया. महेश नवमी 29 मे 2023, सोमवारी आहे. यंदा सोमवार महेश नवमी असल्याने त्याचे महत्त्व द्विगुणित झाले आहे. अशा वेळी शिवाची आराधना केल्याने भक्तांच्या प्रत्येक मनोकामना पूर्ण होतील. माहेश्वरी समाजातील लोकं हा दिवस थाटामाटात साजरा करतात.

महेश नवमीच्या दिवशी अवश्य करा हे उपाय

महेश नवमीच्या दिवशी पूजेदरम्यान भगवान शंकराला धतुरा अर्पण करा. यावेळी खालील मंत्राचा जप करा- ओम ह्रीं नमः शिवाय. असे केल्याने देवांचा देव महादेव प्रसन्न होतो. त्याच्या कृपेने माणसाचे सर्व दुःख नष्ट होतात.

महेश नवमीच्या दिवशी देवांचे देव महादेवाला हरसिंगारच्या फुलांनी सजवा. यामुळे सुख, समृद्धी आणि संपत्ती वाढते.

महेश नवमीच्या दिवशी पूजा, जप आणि तपश्चर्यासह दान करण्याचा नियम आहे. म्हणून या दिवशी भक्तीभावाने जमेल तेवढे दान करा. जर तुम्हाला सुख, समृद्धी आणि ऐश्वर्य मिळवायचे असेल तर महेश नवमीला मीठ, तेल, तूप, फळे, फुले, साखर, कपडे इत्यादी वस्तूंचे दान करा. या वस्तूंचे दान केल्याने व्यक्तीला त्याच्या इच्छेनुसार यश मिळते.

जर तुम्हाला कोणताही आजार असेल तर महेश नवमीच्या दिवशी पूजा केल्यानंतर महामृत्युंजय मंत्राचा जप करा. महामृत्युंजय मंत्राचा जप केल्याने व्यक्तीच्या जीवनातील सर्व दुःखे नष्ट होतात.

कुंडलीत राहू, केतू आणि शनी यांच्या अडथळ्यांमुळे त्रास होत असल्यास काळे तीळ, गंगाजल आणि बिलबाची पाने पाण्यात मिसळून भगवान शंकराला अर्घ्य द्यावे. यावेळी ओम महेश्वराय नमः मंत्राचा जप करा.

(वरील माहिती उपलब्ध स्रोतावरून देण्यात आलेली आहे.याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)