अजिंक्य रहाणेने शेअर केला बाळाचा पहिला फोटो
अजिंक्य रहाणेने शेअर केलेल्या फोटोमध्ये अजिंक्य स्वतः आणि पत्नी राधिका दिसत आहेत, मात्र बाळाचा चेहरा दिसत नाही.
मुंबई : भारतीय कसोटी क्रिकेट संघाचा उपकर्णधार अजिंक्य रहाणेने आपल्या बाळाचा पहिला फोटो (Ajinkya Rahane Baby Photo) शेअर केला आहे. अजिंक्यची पत्नी राधिका धोपावकरने शनिवारी एका गोंडस मुलीला जन्म दिला आहे.
रहाणेने शेअर केलेल्या फोटोमध्ये अजिंक्य स्वतः आणि पत्नी राधिका दिसत आहेत, मात्र बाळाचा चेहरा दिसत नाही. नवरात्रातच रहाणेच्या घरी चिमुकलीचं आगमन झाल्यामुळे रहाणे कुटुंबात जल्लोषाचं वातावरण आहे.
“अजिंक्य, बाबा झाल्याबद्दल तुझे अभिनंदन, तुझी परी आणि तिची आई या दोघीही सुखरुप असतील अशी मी आशा करतो. तुझ्या आयुष्यातील आनंदाचे क्षण आता सुरु झाले आहेत,” असं ट्वीट करत क्रिकेटपटू हरभजन सिंह याने ही गुड न्यूज शेअर केली होती. सोशल मीडियावर अनेक जणांनी अजिंक्य आणि राधिका यांच्यावर शुभेच्छांचा वर्षाव केला आहे.
Hello ❤️ pic.twitter.com/25oQyXOQeV
— Ajinkya Rahane (@ajinkyarahane88) October 7, 2019
अजिंक्य विशाखापट्टणममध्ये दक्षिण आफ्रिकेविरुद्ध कसोटी सामना खेळत असतानाच ही गोड बातमी आली. अजिंक्यने आपण बाबा होणार असल्याचं जुलै महिन्यातच जाहीर केलं होतं. राधिकाच्या डोहाळ जेवणाचे फोटो त्याने ट्विटरवर पोस्ट केले होतो. त्याच्या या फोटोवर अनेक जणांनी शुभेच्छा दिल्या होत्या.
अजिंक्य रहाणे आणि राधिका धोपावकर हे दोघेही बालपणीचे मित्र-मैत्रिण आहेत. बालपणी एकमेकांचे शेजारी असलेल्या या दोघांमध्ये पुढे घट्ट मैत्री झाली. याच मैत्रीचे रुपांतर पुढे प्रेमात झालं.
अजिंक्य आणि राधिकाची मैत्री दोघांच्या घरच्यांनाही माहिती होती. दोघांमध्ये जेव्हा प्रेमसंबंध जुळले तेव्हा ते जास्त काळ लपून राहिले नाही. कुटुंबीयांनीही मग जास्त वेळ न घेता, दोघांचे हात पिवळे करुन टाकले. सप्टेंबर 2014 मध्ये दोघेही लग्नबंधनात अडकले.
संबंधित बातम्या :
