WTC Final 2021 : ‘आकाश चोप्राची काळी जीभ’, आऊट होण्याची भविष्यवाणी आणि दुसऱ्या बॉलला विराट कोहली तंबूत!
वर्ल्ड टेस्ट चॅम्पियनशीपची मॅच हारल्यानंतर नेटकरी भारतीय संघाला ट्रोल करतच आहेत पण त्याचबरोबर आकाश चोप्रादेखील ट्रोल करत आहेत. आपण पाहूयात नेमकं काय कारण आहे....? (Akash Chopra trolled on Social Media After Virat Kohli Wicket India vs New Zealand Wtc Final 2021)
मुंबई : आकाश चोप्रा (Akash Chopra)… भारतीय क्रिकेट समालोचकांमधलं आघाडीचं नाव… जो की भारतीय क्रिकेट संघाचा माजी सलामीवीर देखील राहिलेला आहे. आकाश चोप्राने अत्यंत कमी काळात आपल्या कॉमेंट्रीने जगभरातील क्रिकेट रसिकांच्या हृदयावर राज्य केलंय. मैदानात आक्रमक फटके मारणारे खेळाडू आणि आकाश चोप्राची जादूई कॉमेंट्री असं जर मिश्रण असेल तर मॅच पाहण्याची मजा काही वेगळीच असते… पण कधी कधी आपल्या कॉमेन्ट्रीमुळे आकाश चोप्राला सोशल मीडियावर ट्रोलिंगचाही सामना करावा लागतो. वर्ल्ड टेस्ट चॅम्पियनशीपची मॅच हारल्यानंतर नेटकरी भारतीय संघाला ट्रोल करतच आहेत पण त्याचबरोबर आकाश चोप्रादेखील ट्रोल करत आहेत. आपण पाहूयात नेमकं काय कारण आहे….? (Akash Chopra trolled on Social Media After Virat Kohli Wicket India vs New Zealand Wtc Final 2021)
आकाश चोप्राने आऊट होण्याची भविष्यवाणी वर्तवली आणि…
ऐतिहासिक साऊथहॅम्प्टन कसोटीत न्यूझीलंड संघाने भारताचा 8 विकेट्सने दणदणीत पराभव केलाय. सगळ्यांच आघाड्यांवर न्यूझीलंडची टीम भारतापेक्षा वरचढ ठरली. पावसाने गोंधळ घालूनही अगदी तीन ते सव्वा तीन दिवसांत किवी संघाने भारतावर अगदी सहज विजय मिळवला. पहिल्या डावांत दोन्ही संघ तसे तुलनेने एकाच स्थितीत होते. दुसरा डाव क्रुशियल होता. मात्र पहिल्या दोन विकेट्स लवकर गेल्याने भारतीय संघाचा कर्णधार विराट कोहलीला मैदानात उतरावं लागलं. विराट बॅटिंग करत असताना आकाश चोप्रा कॉमेन्ट्री करत होता. याचवेळी आकाश चोप्राने भारतीय बॅट्समनची आऊट होण्याची भविष्यवाणी वर्तवली आणि त्याच्या पुढच्याच बॉलला कर्णधार विराट कोहलीला तंबूत जावं लागलं.
नेमकं काय घडलं….?
भारतीय संघाचे सलामीवीर शुबमन गिल आणि रोहित शर्मा लवकरच तंबूत परतले होते. मैदानावर विराट आणि पुजाराची जोडी होती. दोघेही संथ खेळत होते. दोघांवर भारताच्या मोठ्या आशा होत्या. तेवढ्यात टीव्ही कॅमेराने अजिंक्य रहाणेचा चेहरा दाखवला. लागलीच आकाश चोप्राने कॉमेन्ट्री करताना “अजिंक्य रहाणे पुढचा बॅट्समन आहे. परंतु आता जर कुणी (विराट/पुजारा) आऊट झालं तर रिषभ पंतही बॅटिंगसाठी येऊ शकतो”, असं म्हणत भारतीय बॅट्समनच्या विकेट्सची भविष्यवाणी केली.
आणि आश्चर्य म्हणजे आकाश चोप्राच्या भविष्यवाणीनंतर दुसऱ्या बॉलला विराट कोहलीची विकेट गेली. काईल जॅमिसनच्या बॉलवर विकेट कीपर बीजे बॅटलिंगकडे सोपा झेल देऊन तो बाद झाला. काईलने मॅचमध्ये दुसऱ्यांदा कोहलीला आऊट केलं.
सोशल मीडियावर ट्रोल
कोहली आऊट होताच आकाश चोप्रा सोशल मीडियावर ट्रोल झाला. आकाश चोप्राची काळी जीभ आहे, त्याने भविष्यवाणी करताच, कोहली आऊट झाला, असं ट्विट सोशल मीडियावर व्हायरल झालं. असे अनेक ट्विट सोशल मीडियावर व्हायरल झाले ज्यामधून आकाश चोप्रा ट्रोल झाला.
@cricketaakash this is again you did it with your black tongue ? ?#INDvsNZ @DisneyPlusHS #WTC2021Final #WTCFinals pic.twitter.com/cQ6cuzNViU
— AG (@Anubhav_28) June 23, 2021
(Akash Chopra trolled on Social Media After Virat Kohli Wicket India vs New Zealand Wtc Final 2021)
हे ही वाचा :
WTC Final 2021 : म्हणून अंतिम सामन्यात आमचा पराभव झाला, विराटने सांगितली 2 कारणं!
