FIFA World Cup: फक्त 121 सेकंदात सामन्याचं चित्र पालटलं, ‘सुपर सब’ लॅरिनने कॅनडासाठी रचला इतिहास
फिफा वर्ल्डकप 2026 स्पर्धेचं यजमानपद कॅनडाकडेही आहे. पहिल्यांदाच कॅनडा यजमानपद भूषवत आहे. असं असताना कॅनडा संघाने पहिल्या सामन्यात ऐतिहासिक नोंद केली आहे. पहिल्यांदाच कॅनडा वर्ल्डकप स्पर्धेत पराभव स्वीकारलेला नाही.
फिफा वर्ल्डकप 2026 स्पर्धेतील तिसऱ्या सामन्यात गट गटात कॅनडा आणि बोस्निया-हर्जेगोविना हे संघ आमनेसामने आले होते. या रोमहर्षक सामन्यात कॅनडा संघाने ऐतिहासिक कामगिरी केली. खरं तर हा सामना काही कॅनडाने जिंकला नाही. पण हा सामना न गमावता एक विक्रम नोंदवला आहे. या सामन्यात बोस्नियन संघ आक्रमक आणि वर्चस्वशाली होता. सतत आक्रमण करून कॅनडाला बॅकफूटवर ढकललं होतं. त्यामुळे हा सामना कॅनडा गमवणार अशी स्थिती होती. त्यात एक गोलने आघाडी घेतल्याने कॅनडाच्या गोटात चिंतेचं वातावर होतं. पण अखेर कॅनडाने हा सामना 1-1 ने बरोबरीत सोडवण्यात यश मिळवलं. कॅनडाने हा सामना बरोबरीत सोडवून फिफा वर्ल्डकप स्पर्धेत पहिल्यात एक गुण मिळवला आहे. याचं श्रेय कायल लॅरिनला जातं. कारण त्याने फक्त 121 सेकंदात गोल मारून संघाला पराभवापासून वाचवलं.
फिफा वर्ल्डकप 2026 स्पर्धेत बोस्नियाच्या जोवो लुकिचने 21 व्या मिनिटाला गोल मारून संघाला आघाडी मिळवून दिली. ही आघाडी पहिल्या हाफपर्यंत कायम होती. त्यामुळे दुसऱ्या हाफमध्ये कॅनेडियन संघावर दडपण आलं होतं. दुसऱ्या हाफमध्येही बोस्नियाने कॅनडाला गोलसाठी खूपच झुंजवलं. सामना बरोबरीत सोडवण्यासाठी कॅनडाकडून आक्रमक खेळ सुरू झाला होता. पण त्यात त्यांना काही यश मिळत नव्हतं. त्यामुळे पराभवाच्या वेशीवर असातना कॅनेडियन प्रशिक्षकाने एक निर्णय घेतला आणि कॅनडा पराभवापासून वाचली.
कॅनेडियन प्रशिक्षकाने 76व्या मिनिटाला स्ट्राईकर काइल लॅरिनला मैदानात उतरवण्याचा निर्णय घेतला. हा निर्णय योग्य ठरला. कारण त्याने मैदानात उतरल्यानंतर अवघ्या 121 सेकंदात म्हणजेच 79व्या मिनिटाला अप्रतिम पासचे गोलमध्ये रुपांतरण केलं. लॅरिन कॅनडासाठी सुपर सब ठरला आणि त्याने संघाला पराभवापासून वाचवलं. हा सामना बरोबरीत सोडवण्यात यश मिळालं. कॅनडा संघ वर्ल्डकप स्पर्धेत तिसऱ्यांदा भाग घेत आहे. पण 1986 आणि 2022 मध्ये एकही सामना जिंकला आला नव्हता. सहा पैकी सहा सामन्यात पराभव झाला होता. पण यावेळी सामना बरोबरीत सोडवून एक गुण कमावला आहे.
