PAK vs AUS : भर मैदानात डेव्हिड वॉर्नर पाकिस्तानी पंचांशी भिडला, म्हणाला ‘मला Cricket Rulebook दाखवा’, पाहा VIDEO
ऑस्ट्रेलियन क्रिकेट संघ सध्या पाकिस्तानच्या दौऱ्यावर आहे. दोन्ही संघांमधील (PAK vs AUS) मालिकेतील तिसरा आणि शेवटचा कसोटी सामना लाहोरमध्ये खेळवला जात आहे. गुरुवारी, सामन्याच्या चौथ्या दिवशी, ऑस्ट्रेलियाचा सलामीवीर डेव्हिड वॉर्नर (David Warner) अचानक मैदानातील पंचाशी भिडला.
मुंबई : ऑस्ट्रेलियन क्रिकेट संघ सध्या पाकिस्तानच्या दौऱ्यावर आहे. दोन्ही संघांमधील (PAK vs AUS) मालिकेतील तिसरा आणि शेवटचा कसोटी सामना लाहोरमध्ये खेळवला जात आहे. गुरुवारी, सामन्याच्या चौथ्या दिवशी, ऑस्ट्रेलियाचा सलामीवीर डेव्हिड वॉर्नर (David Warner) अचानक मैदानातील पंचाशी भिडला. वॉर्नर इतका संतापलेला दिसला की त्याने सामना मध्येच थांबवला आणि पंचांना क्रिकेटच्या नियमांचे पुस्तक दाखवण्यास सांगितले. ही घटना ऑस्ट्रेलियन संघाच्या दुसऱ्या डावातील 21 व्या षटकात घडली. अंपायर अलीम दार आणि एहसान रझा (Ahsan Raza)ओव्हरच्या शेवटच्या चेंडूनंतर स्ट्राइकवर असलेल्या वॉर्नरकडे आले आणि शॉट खेळल्यानंतर त्याला खेळपट्टीच्या डेंजर एरियामध्ये (धोक्याच्या भागात) न येण्याचा इशारा दिला. त्यावर वॉर्नर चिडला आणि त्याने मध्येच खेळ थांबवून पंचांशी वाद घातला.
अंपायरच्या या इशाऱ्याने वॉर्नर संतापला आणि पंचांशी वाद घालू लागला. ऑस्ट्रेलियाच्या सलामीवीराचे असे म्हणणे होते की, त्याने काहीही चुकीचे केले नाही. वास्तविक, वॉर्नर त्याच्या क्रिझपासून थोडा मागच्या बाजूला आला होता, त्यामुळे पंचांनी त्याला वॉर्निंग दिली. यादरम्यान वॉर्नर आणि पंच यांच्यातील संपूर्ण वादविवाद स्टंपमध्ये लावलेल्या माइकमध्ये रेकॉर्ड करण्यात आला.
वॉर्नरची रुलबुक दाखवण्याची मागणी
स्टम्प माईकद्वारे आपण ऐकू शकतो की, वॉर्नरने क्रीझच्या दिशेने बोट करत पंचांना म्हटले की, “तुम्हाला वाटतंय की, मी माझा शॉट अशा पद्धतीने खेळू?” यावर पंच एहसान रझा म्हणाले, “हो, तुम्हाला बाजूला सरकावं लागेल”, पंचांचं हे म्हणणं ऐकून वॉर्नर संतापला आणि म्हणाला, “मला रुलबुक (क्रिकेटच्या नियमांचं पुस्तक) दाखवा. त्यात हे असं कुठे लिहिलंय ते मला पाहयचं आहे. तुम्ही मला रुलबुक दाखवणार नाही तोवर मी खेळ सुरु करणार नाही.”
डेव्हिड वॉर्नर जन्टलमन क्रिकेटपटू आहे, पण आज मात्र त्याने पंचांशी वाद घातला मला रुलबुक दाखवा मगच मी खेळ सुरु करेन असं म्हणून तो अडून बसला (दोघांचं बोलनं स्टम्प माईकद्वारे ?ऐकता ?येतंय) #DavidWarner #PAKvAUS #AUSvsPAK #ShaheenShahAfridi @kreedajagat pic.twitter.com/vEA1zILR5D
— अक्षय चोरगे (Akshay Chorge) (@AkshayChorge1) March 25, 2022
मात्र, काही काळ खेळ थांबल्यानंतर पुन्हा सामना सुरू करण्यात आला. या संपूर्ण चर्चेदरम्यान डेव्हिड वॉर्नर पाकिस्तानी क्रिकेट संघाचा कर्णधार बाबर आझमशी बोलताना दिसला. संपूर्ण प्रकरण सोडवण्यात आल्यानंतर काही वेळात खेळ पुन्हा सुरू झाला.
इतर बातम्या
LIVE चर्चेत अचानक Harsha Bhogle यांना काय झालं? Video पाहून चाहत्यांना धक्का, नेमकं काय झालं?
PAK VS AUS: Shaheen Afridi ने आधी वॉर्नरला ठसन दिली, आता दांडी उडवली, एकदा बघाच, हा ‘कडक’ VIDEO
