ICC Womens T20 World Cup 2026: भारत बांग्लादेश यांच्यात लढत होणार, आयसीसीची मोठी घोषणा

आयसीसी पुरूष टी20 वर्ल्डकप 2026 स्पर्धा सुरू आहे. असं असताना महिला टी20 वर्ल्डकप स्पर्धेच वेळापत्रक जाहीर झालं आहे. आयसीसीने या स्पर्धेचं वेळापत्रक जाहीर केल आहे. भारत, पाकिस्तान आणि बांग्लादेश एकाच गटात आहेत.

भारत बांग्लादेश यांच्यात लढत होणार, आयसीसीची मोठी घोषणा Image Credit source: PTI

Rakesh Thakur | Updated on: Feb 24, 2026 | 4:50 PM

आयसीसी वुमन्स टी20 वर्ल्डकप स्पर्धेचं बिगुल वाजलं आहे. तीन महिन्यानंतर पुन्हा एकदा क्रिकेटच्या मैदानात टी20 वर्ल्डकप स्पर्धेचा थरार रंगणार आहे. या स्पर्धेचं अधिकृत वेळापत्रक आयसीसीने जाहीर केलं आहे. या स्पर्धेचं यजमानपद इंग्लंड आणि वेल्सकडे असून 12 जून ते 5 जुलै दरम्यान ही स्पर्धा पार पडणआर आहे. या स्पर्धेत एकूण 12 संघ सहभागी होणार असून दोन गटात विभागणी केली आहे. प्रत्येक गटात सहा संघ असून टॉप दोन संघांना उपांत्य फेरीचं तिकीट मिळणार आहे. गट 1 मध्ये ऑस्ट्रेलिया, दक्षिण अफ्रिका, पाकिस्तान, भारत, बांग्लादेश आणि नेदरलँड हे संघ आहेत. तर गट 2 मध्ये वेस्ट इंडिज, इंग्लंड, न्यूझीलंड, श्रीलंका, आयर्लंड आणि स्कॉटलँड हे संघ आहेत. उपांत्य फेरीचे सामने 30 जून आणि 2 जुलै रोजी होतील. तसेच 5 जुलैला लॉर्ड्स क्रिकेट ग्राउंडवर अंतिम सामना होईल.

भारताचा पहिलाच सामना पारंपरिक प्रतिस्पर्धी असलेल्या पाकिस्तानशी होईल. हा भारतीय वेळेनुसार रात्री 8 वाजता सुरू होणार आहेत. त्यानंतर 17 जूनला नेदरलँड, 21 जूनला दक्षिण अफ्रिका, 25 जूनला बांग्लादेश, 28 जूनला ऑस्ट्रेलिया यांच्याशी लढत होणार आहे.