IND vs ENG : ऋषभ पंतला कोरोना, संघाला नव्या यष्टीरक्षकाची गरज, ‘या’ खेळाडूचं सूचक ट्वीट
भारत आणि इंग्लंड यांच्यातील कसोटी सामने काही दिवसांवर येऊन ठेपले आहेत. अशावेळी संघाचा यष्टीरक्षक ऋषभला कोरोनाची बाधा झाल्यामुळे संघाच्या अडचणीत वाढ झाली आहे.
लंडन : भारत आणि इंग्लंड (India vs England) यांच्यात पाच कसोटी सामन्यांच्या मालिकेला 4 ऑगस्टपासून सुरुवात होणार आहे. या महत्त्वाच्या सामन्यांआधीच भारताचा एक महत्त्वाचा खेळाडू कोरोनाबाधित झाल्यामुळे संघाच्या अडचणी वाढल्या आहेत. यष्टीरक्षक फलंदाज ऋषभ पंत (Rishabh Pant) कोरोनाबाधित झाल्यामुळे आता यष्टीरक्षक कोण? असा प्रश्न संघासमोर उभा ठाकला असून यावेळी केएल राहुल (KL Rahul) आणि रिद्धिमान साहा (Wriddhiman Saha) हे दोन पर्याय असतानाही एका आणखी क्रिकेटपटूने खेळण्याची इच्छा दर्शवली आहे. विशेष म्हणजे हा खेळाडू सध्या इंग्लंडमध्येच आहे.
हा खेळाडू म्हणजे दुसरा तिसरा कोणी नसून सध्या कॉमेंटेटरची भूमिका निभावणारा दिनेश कार्तिक (Dinesh Karthik) आहे. दिनेशने एक सूचक ट्विट करत जणू खेळण्याची इच्छाच दर्शविली आहे. कार्तिक याने त्याच्या किटबॅगचा फोटो ज्यावर विकेटकीपिंगचे हातमोजे ठेवले आहेत असा फोटो ट्वीट कर सोबत #Justsaying असं सूचक वाक्या लिहिलं आहे. ज्यातून संघाला गरज आणि इच्छा असल्यास मलाही खेळवू शकतात असंच म्हणण्याचा प्रयत्न केला आहे.
? #justsaying pic.twitter.com/zX3ValErDc
— DK (@DineshKarthik) July 15, 2021
इंगलंडमध्येच शेवटची कसोटी
दिनेश कार्तिकने भारतासाठी एकूण 26 टेस्ट मॅच खेळत 1 हजार 25 धावा केलया आहेत. ज्यात एका शतकासह 7 अर्धशतकांचाही समावेश आहे. विशेष म्हणजे त्याने शेवटची कसोटीही इंग्लंडमध्येच 2018 साली खेळली होती. शेवटच्या सामन्यात त्याने एका डावात एक धाव केली होती तर दुसऱ्या डावात तो शून्यावर बाद झाला होता.
संबंधित बातम्या
IND vs SL : सामना सुरु होण्याआधीच श्रीलंका संघाला दोन झटके, हे दोन खेळाडू सामना खेळण्यापासून मुकणार
(Indian Wicket keeper Dinesh Karthik hints that he is Ready to Play in England series)
