IPL 2026, SRH vs KKR: नाणेफेकीचा कौल सनरायझर्स हैदराबादच्या बाजूने, पॅट कमिन्स म्हणाला..

आयपीएल 2026 स्पर्धेतील 45व्या सामन्यात कोलकाता नाईट रायडर्स आणि सनरायझर्स हैदराबाद हे संघ आमनेसामने आले आहेत. या सामन्यात कोलकाता नाईट रायडर्ससाठी करो या मरोची स्थिती आहे. कारण हा सामना गमावला तर प्लेऑफचं गणित चुकेल. तर सनरायझर्स हैदराबाद हा सामना जिंकून टॉप 4 मधील दावा आणखी पक्का करेल. त्यामुळे दोन्ही संघांसाठी हा सामना खूपच महत्त्वाचा आहे. या सामन्यात नाणेफेकीचा कौल झाला आणि सनरायझर्स हैदराबादच्या बाजूने लागला. कर्णधार पॅट कमिन्सने प्रथम फलंदाजीला प्राधान्य दिलं.

आयपीएल स्पर्धेतील या सामन्यातील नाणेफेकीचा कौल झाल्यानंतर पॅट कमिन्स म्हणाला की, ‘आम्ही प्रथम फलंदाजी करू. खेळपट्टी चांगली दिसत आहे आणि खूप उष्णता आहे, आम्ही फलंदाजी करून एक चांगली धावसंख्या उभारू. मला खेळपट्ट्यांचा अंदाज नीट घेता येत नाही, खेळपट्टी छान दिसत आहे आणि त्यावर जास्त धावा होतील असे वाटते. तरुण खेळाडू उत्कृष्ट खेळले आहेत, तर अनुभवी खेळाडूंनीही चांगली कामगिरी केली आहे, मला वाटते की एखाद दुसरा अपवाद वगळता आम्ही नेहमीच 220 धावांचा टप्पा ओलांडला आहे. आम्हाला माहित आहे की आम्ही प्रत्येक सामना जिंकणार नाही, पण ही शैली आमच्यासाठी चांगली काम करत आहे. नितीश आजारपणामुळे खेळू शकणार नाही, त्यामुळे स्मरण पदार्पण करत आहे. हर्ष दुबेच्या जागी हर्षल पटेल खेळत आहे.’

कोलकाता नाईट रायडर्सचा कर्णधार अजिंक्य रहाणे म्हणाला की, ‘आम्हालाही प्रथम फलंदाजी करायची होती. या विश्रांतीचा आम्हाला खूप फायदा झाला आहे, आम्ही ज्या गोष्टी चांगल्या केल्या आणि ज्या क्षेत्रांमध्ये सुधारणा करू शकतो, त्याबद्दल विचार केला आहे. हे सर्व त्या छोट्या क्षणांमध्ये विजय मिळवण्याबद्दल आहे. आमच्या संघात दोन बदल आहेत: टिम सायफर्टच्या जागी फिन एलन खेळणार आहे, आणि रमणदीप सिंगच्या जागी मनीष पांडे आपला पहिला सामना खेळणार आहे.’

दोन्ही संघांची प्लेइंग 11

सनरायझर्स हैदराबाद (प्लेइंग इलेव्हन): अभिषेक शर्मा, ट्रेव्हिस हेड, इशान किशन, हेनरिक क्लासेन, सलील अरोरा (विकेटकीपर), अनिकेत वर्मा, स्मरण रविचंद्रन, पॅट कमिन्स (कर्णधार), शिवांग कुमार, हर्षल पटेल, एशान मलिंगा.

कोलकाता नाईट रायडर्स (प्लेइंग इलेव्हन): अजिंक्य रहाणे (कर्णधार), अंगकृष रघुवंशी (विकेटकीपर), कॅमरून ग्रीन, रोवमन पॉवेल, मनीष पांडे, रिंकू सिंग, अनुकुल रॉय, सुनील नरेन, वैभव अरोरा, कार्तिक त्यागी, वरुण चक्रवर्ती.