RCB vs GT Toss : आरसीबीची होम ग्राउंडमधील शेवटच्या सामन्यात बॉलिंग, गुजरात विरुद्ध मॅचविनर आऊट
Royal Challengers Bengaluru vs Gujarat Titans Toss and Playing 11 : आरसीबीने टॉस जिंकून पाहुण्या गुजरातला बॅटिंगसाठी बोलावलं आहे. गुजरात गतविजेत्या संघासमोर किती धावांचा डोंगर उभारणार? हे पहिल्या डावानंतरच स्पष्ट होईल.
आयपीएल स्पर्धेच्या 19 व्या मोसमातील (IPL 2026) 34 व्या सामन्यात गतविजेता रॉयल चॅलेंजर्स बंगळुरु विरुद्ध गुजरात टायटन्स आमेनसामने आहेत. दोन्ही संघांचा हा या मोसमातील सातवा सामना आहे. आरसीबीचा हा होम ग्राउंड अर्थात एम चिन्नास्वामी स्टेडियममधील या मोसमातील शेवटचा सामना आहे. या सामन्याला संध्याकाळी साडे सात वाजता सुरुवात होणार आहे. त्याआधी 7 वाजता टॉस झाला. आरसीबीने घरच्या मैदानातील शेवटच्या सामन्यात टॉस जिंकला. कॅप्टन रजत पाटीदार याने फिल्डिंगचा निर्णय घेतला आहे.
दोन्ही संघांची कामगिरी
आरसीबीने या मोसमात आतापर्यंत 6 पैकी 4 सामने जिंकले आहेत. आरसीबीने 4 विजय आणि 8 गुणांसह पॉइंट्स टेबलमध्ये तिसऱ्या स्थानी आहे. तर गुजरातने 6 पैकी 3 सामने जिंकलेत आणि तितकेच गमावलेत. गुजरात पॉइंट्स टेबलमध्ये सातव्या क्रमांकावर आहे.
आरसीबीची घरच्या मैदानातील कामगिरी
आरसीबीला एम चिन्नास्वामी स्टेडियममध्ये विजयाचं अर्धशतक पूर्ण करण्याची संधी आहे. आरसीबीने आतापर्यंत स्पर्धेच्या इतिहासात या मैदानात एकूण 100 पैकी 49 सामने जिंकले आहेत. तर आरसीबीला 47 सामन्यांत पराभूत व्हावं लागलंय. आरसीबीची घरच्या मैदानातील विजयी टक्केवारी 51 इतकी आहे.
जीटी जिंकणार का?
गुजरातचा बंगळुरुतील हा चौथा सामना आहे. गुजरातने आतापर्यंत 3 पैकी 2 सामने जिंकलेत. तर एकमेव सामन्यात पराभूत व्हावं लागलंय.
आरसीबीला मोठा धक्का
आरसीबीचा विस्फोटक फलंदाज फिलिप सॉल्ट याला दुखापतीमुळे गुजरात विरूद्धच्या सामन्यातून बाहेर व्हावं लागलं आहे. त्यामुळे सॉल्टच्या जागी जेकब बेथेल याचा समावेश करण्यात आला आहे. आरसीबीकडून प्लेइंग ईलेव्हनमध्ये करण्यात आलेला हा एकमेव बदल आहे. तर गुजरातने काही बदल केले आहेत. ऑलराउंडर जेसन होल्डर याचं गुजरातकडून पदार्पण झालंय. तर मानव सुथार याचं प्लेइंग ईलेव्हनमध्ये कमबॅक झालं आहे.
गुजरात टायटन्स प्लेइंग ईलेव्हन : साई सुदर्शन, शुबमन गिल (कॅप्टन), जोस बटलर (विकेटकीपर), वॉशिंग्टन सुंदर, शाहरुख खान, राहुल तेवतिया, जेसन होल्डर, रशीद खान, मानव सुथार, कागिसो रबाडा आणि मोहम्मद सिराज.
रॉयल चॅलेंजर्स बंगळुरू प्लेइंग ईलेव्हन : विराट कोहली, देवदत्त पडिक्कल, रजत पाटीदार (कॅप्टन), जितेश शर्मा (विकेटकीपर), टीम डेव्हीड, रोमॅरियो शेफर्ड, क्रुणाल पंड्या, भुवनेश्वर कुमार, जोश हेजलवुड, सुयश शर्मा आणि रसिक सलाम दार.
