शुबमन गिलच्या 238 धावा रोहित शर्मा आणि विराट कोहलीवर पडल्या भारी! आयसीसीच्या घोषणेमुळे झालं स्पष्ट

भारताने अफगाणिस्तानविरुद्धची वनडे मालिका 3-0 ने खिशात घातली. या मालिकेनंतर आंतरराष्ट्रीय क्रिकेट परिषद अर्थाने ताजी वनडे क्रमवारी जाहीर केली आहे. या क्रमवारीत भारतीय वनडे संघाचा कर्णधार शुबमन गिल याने मोठी झेप मारली आहे. अफगाणिस्तानविरुद्धच्या वनडे मालिकेतील चांगल्या कामगिरीमुळे त्याला फायदा झाला आहे. त्याने या क्रमवारीत मोठी उडी घेत दुसरं स्थान गाठलं आहे. यासह त्याने भारतीय संघातील दोन दिग्गज फलंदाज असलेल्या रोहित शर्मा आणि विराट कोहली यांना मागे टाकलं आहे. अफगाणिस्तानविरुद्धच्या मालिकेत शुबमन गिलने धावांचं योगदान दिलं. त्याने दोन डावात फलंदाजी करताना 238 च्या सरासरीने आणि 135.22 च्या स्ट्राईक रेटने 238 धावा केल्या. या खेळीत फळ म्हणून त्याची वनडे क्रमवारीत दुसऱ्या स्थानी वर्णी लागली आहे.

शुबमन गिलची वनडे कामगिरी

शुबमन गिलने धर्मशाळेत खेळल्या गेलेल्या पहिल्या वनडे सामन्यात नाबाद 84 धावांची विजयी खेळी केली होती. त्यानंतर त्याने लखनौ वनडे मालिकेत 154 धावा करत शतक ठोकलं होतं. त्यानंतर तिसऱ्या वनडे सामन्यात त्याच्या वाटेला फलंदाजी आली नाही. पण पहिल्या दोन सामन्यात केलेल्या कामगिरीचा त्याला फायदा झाला. त्यामुळे वनडे रँकिंगमध्ये त्याला वरचं स्थान मिळालं आहे. या मालिकेपूर्वी शुबमन गिल पाचव्या स्थानावर होता. पण आता त्याला तीन क्रमांकांचा फायदा होत दुसरं स्थान गाठलं आहे. 238 धावा केल्याने त्याची 791 इतकी रेटिंग झाली आहे. त्याच्या या खेळीमुळे विराट कोहली आणि रोहित शर्माला फटका बसला. विराट कोहली तिसऱ्या स्थानावर, तर रोहित शर्मा चौथ्या स्थानावर घसरला आहे.

या खेळाडूंना मिळाला लाभ

अफगाणिस्तानविरुद्धच्या वनडे मालिकेनतंर काही खेळाडूंना लाभ मिळाला आहे. श्रेयस अय्यरच्या वनडे क्रमवारीत कमालीची सुधारणा झाली आहे. 638 रेटिंगसह आता 14व्या स्थानावर आहे. तर इशान किशनने 21 क्रमांकाची झेप घेत 43वा क्रमांक गाठला आहे. तर यशस्वी जयस्वालही 84 फलंदाजांना मागे टाकत 71व्ाय क्रमांकावर बसला आहे. यशस्वी जयस्वालने शेवटच्या वनडे सामन्यात शतक ठोकलं होतं.