Champions Trophy 2025 : टीम इंडियाच्या ओपनरला चॅम्पियन्स ट्रॉफीच्या मुख्य संघातून डच्चू, या खेळाडूला संधी
Icc Champions Trophy 2025 : टीम इंडियात आयसीसी चॅम्पियन्स ट्रॉफी 2025 स्पर्धेसाठी 11 फेब्रुवारीला 2 बदल करण्यात आले. त्यानुसार, निवड समितीने टीम इंडियाच्या ओपनरला मुख्य संघातून डच्चू दिला आहे.
आयसीसी चॅम्पियन्स ट्रॉफीआधी बीसीसीआय निवड समितीने टीम इंडियाचा 15 सदस्यीय संघ अखेर निश्चित केला आहे. वेगवान गोलंदाज जसप्रीत बुमराह याला झालेल्या दुखापतीमुळे तो खेळणार की नाही? याबाबत अनिश्चितता होती. बुमराहला ऑस्ट्रेलिया दौऱ्यात पाठीची दुखापत झाली होती. मात्र त्यानंतरही बुमराह चॅम्पियन्स ट्रॉफीआधी फिट होईल, असा आशावाद बाळगून निवड समितीने बुमराहचा समावेश केला होता. मात्र बुमराह चॅम्पियन्स ट्रॉफीसाठी खेळणार नसल्याचं बीसीसीआयने 11 फेब्रुवारीला जाहीर केलं. त्यामुळे भारतीय क्रिकेट संघाला मोठा झटका लागला. बुमराहच्या जागी संघात नवख्या हर्षित राणा याचा समावेश केला आहे. तसेच निवड समितीने घेतलेला दुसरा निर्णय हा अनपेक्षित होता.
निवड समितीने यशस्वी जयस्वाल याला मुख्य संघातून वगळलं आहे. यशस्वीचा मुख्य संघातून ट्रॅव्हलिंग रिझर्व्ह खेळाडूंमध्ये समावेश करण्यात आला आहे. यशस्वीच्या जागी चक्क स्पिनर वरुण चक्रवर्ती याचा समावेश करण्यात आला आहे. यशस्वीचा संघात पर्यायी सलामीवीर म्हणून समावेश करण्यात आला होता. मात्र अखेरच्या क्षणी वरुण चक्रवर्ती याला चॅम्पियन्स ट्रॉफीसाठी संधी देण्यात आली आहे. वरुणचा अशाच प्रकारे इंग्लंडविरुद्धच्या एकदिवसीय मालिकेसाठी संघात समावेश करण्यात आला.
वरुणची टी 20i मालिकेतील कामगिरी
टीम इंडियाने इंग्लंडविरुद्धची 5 सामन्यांची टी 20i मालिका 4-1 अशा फरकाने जिंकली. वरुणने मायदेशात इंग्लंडविरुद्ध झालेल्या या मालिकेत उल्लेखनीय कामगिरी केली. वरुणने 5 सामन्यांमध्ये एकूण 14 विकेट्स घेतल्या. वरुणची या कामगिरीसाठी ‘मॅन ऑफ द सीरिज’ म्हणून निवड करण्यात आली. वरुणला या कामगिरीच्या जोरावर अखेरच्या क्षणी एकदिवसीय मालिकेसाठी भारतीय संघात संधी देण्यात आली. वरुणने कटकमध्ये झालेल्या दुसर्या एकदिवसीय सामन्यातून पदार्पण केलं.
यशस्वीला डच्चू, वरुणला संधी
Huge responsibility on the shoulders of India’s bowling attack with Jasprit Bumrah out of the #ChampionsTrophy 👀
More 📲 https://t.co/0QokrBzMGE pic.twitter.com/W7PuPhsTTw
— ICC (@ICC) February 12, 2025
आयसीसी चॅम्पियन्स ट्रॉफी 2025 साठी टीम इंडिया: रोहित शर्मा (कर्णधार), शुभमन गिल (उपकर्णधार), विराट कोहली, श्रेयस अय्यर, केएल राहुल (विकेटकीपर), ऋषभ पंत (विकेटकीपर), हार्दिक पंड्या, अक्षर पटेल, वॉशिंग्टन सुंदर, कुलदीप यादव, मोहम्मद शमी, अर्शदीप सिंग, रवींद्र जडेजा आणि वरुण चक्रवर्ती.
