AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Year Ender 2025: प्रिन्सने 2025 गाजवलं, कॅप्टन्सीसह बॅटिंगनेही धमाका, सर्वाधिक आंतरराष्ट्रीय धावा करणारे 5 फलंदाज, शुबमन कितव्या स्थानी?

Most runs in International Cricket 2025: शुबमन गिल याला 2025 वर्षात टी 20i क्रिकेटमध्ये काही खास करता आलं नाही. मात्र शुबमनने कसोटी आणि वनडे क्रिकेटमध्ये धमाका केला. जाणून घ्या 2025 वर्षात आंतरराष्ट्रीय क्रिकेटमध्ये सर्वाधिक धावा करणाऱ्या 5 फलंदाजांबाबत.

Year Ender 2025: प्रिन्सने 2025 गाजवलं, कॅप्टन्सीसह बॅटिंगनेही धमाका, सर्वाधिक आंतरराष्ट्रीय धावा करणारे 5 फलंदाज, शुबमन कितव्या स्थानी?
Shubman Gill Team IndiaImage Credit source: @ShubmanGill X Account
Sanjay patil
Sanjay patil | Updated on: Dec 25, 2025 | 10:13 PM
Share

टीम इंडियाचा युवा ओपनर शुबमन गिल याला निराशाजनक कामगिरीमुळे आगामी टी 20i वर्ल्ड कप 2026 स्पर्धेतून डच्चू देण्यात आला. शुबमनला 2025 या वर्षात टी 20i फॉर्मेटमध्ये 1 अर्धशतकही झळकावता आलं नाही. मात्र हा अपवाद वगळता शुबमनसाठी 2025 हे वर्ष अविस्मरणीय ठरलं. शुबमनला भारतीय कसोटी आणि एकदिवसीय संघाच्या कर्णधारपदाची जबाबदारी मिळाली. तसेच शुबमनने कसोटी मालिकेत दक्षिण आफ्रिकेविरुद्धच्या पराभवाचा अपवाद वगळता कर्णधार आणि फलंदाज म्हणून अप्रतिम कामगिरी केली. शुबमन 2025 या वर्षात आंतरराष्ट्रीय क्रिकेटमध्ये सर्वाधिक धावा करणारा फलंदाज आहे. या निमित्ताने 2025 मध्ये सर्वाधिक आंतरराष्ट्रीय धावा करणाऱ्या 10 फलंदाजांबाबत जाणून घेऊयात.

शुबमन गिल

शुबमन गिल याने 2025 वर्षात कसोटी, एकदिवसीय आणि टी 20i या तिन्ही फॉर्मेटमध्ये मिळून भारताचं 35 सामन्यांमध्ये प्रतिनिधित्व केलं. शुबमनने या दरम्यान 49 च्या सरासरीने आणि 7 शतकं आणि 3 अर्धशतकांसह एकूण 1 हजार 764 धावा केल्या.

शाई होप

विंडीजचा विकेटकीपर बॅट्समन शाई होप याची या वर्षात सर्वाधिक आंतरराष्ट्रीय धावा करणारा फलंदाज होण्याची संधी अवघ्या 5 धावांनी हुकली. शाईने 2025 वर्षात 42 सामन्यांमध्ये 5 शतकं आणि 9 अर्धशतकांसह 1 हजार 760 धावा केल्या.

जो रुट

इंग्लंडचा जो रुट याने फक्त कसोटी आणि वनडे क्रिकेट खेळून 2025 वर्षात सर्वाधिक आंतरराष्ट्रीय धावा करणारा तिसरा फलंदाज होण्याचा बहुमान मिळवला. इंग्लंडच्या या दिग्गज फलंदाजाने 24 सामन्यांमध्ये 7 शतकं आणि 5 अर्धशतकांसह एकूण 1 हजार 598 धावा केल्या.

ब्रायन बेनेट

झिंबाब्वेच्या ब्रायन बेनेट याने 2025 वर्षात तिन्ही फॉर्मेटमध्ये मिळून एकूण 39 सामने खळेले. ब्रायनने या 39 सामन्यांमध्ये 1 हजार 585 धावा केल्या. ब्रायनने या वर्षात 3 शतकं आणि 8 अर्धशतकं झळकावली.

सलमान अली आगा

पाकिस्तानचा सलमान अली आगा हा 2025 या वर्षात सर्वाधिक आंतरराष्ट्रीय धावा करणाऱ्या फलंदाजांच्या यादीत पाचव्या स्थानी आहे. सलमानने एकूण 56 सामन्यांमध्ये 2 शतकं आणि 9 अर्धशतकांसह एकूण 1 हजार 569 धावा केल्यात.

करणबीर सिंह

ऑस्ट्रेलियाच्या करणबीर सिंह यानेही 2025 वर्षात उल्लेखनीय कामगिरी केली. करणबीर याने 2025 या वर्षात 32 सामन्यांमध्ये 2 शतक आणि 13 अर्धशतकांसह एकूण 1 हजार 488 धावा केल्या आहेत.

हॅरी ब्रूक

इंग्लंडचा हॅरी ब्रूक 2025 वर्षात सर्वाधिक आंतरराष्ट्रीय धावा करणाऱ्या फलंदाजांच्या यादीत सातव्या स्थानी आहे. इंग्लंडच्या या फलंदाजाने या वर्षात एकूण 37 सामन्यांमध्ये एकूण 1 हजार 468 धावा केल्या.

बेन डकेट

आंतरराष्ट्रीय क्रिकेटमध्ये 2025 वर्षात सर्वाधिक धावा करणाऱ्या टॉप 10 फलंदाजांच्या यादीत बेन डकेट हा आठव्या स्थानी आहे.डकेटने 32 सामन्यांमध्ये 1 हजार 448 धावा केल्या आहेत.

पाथुम निसांका

श्रीलंकेच्या पाथुम निसांका याने 2025 वर्षात आंतरराष्ट्रीय क्रिकेटमधील 34 सामन्यांमध्ये 1 हजार 414 धावा केल्या आहेत. पाथुम टॉप 10 मध्ये असणारा श्रीलंकेचा एकमेव फलंदाज आहे.

रचीन रवींद्र

न्यूझीलंडचा युवा फलंदाज रचीन रवींद्र हा या यादीत 10 व्या स्थानी आहे. रचीनने 2025 मधील 32 सामन्यांमध्ये एकूण 1 हजार 382 धावा केल्या आहेत.

Follow Us
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत
500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इ
Manoj Jarange Patil : 500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इशारा
खासदार शोधा रे, शोधणाऱ्याला बक्षीस... रवी राणा असं का म्हणाले?
खासदार शोधा रे, शोधणाऱ्याला बक्षीस... रवी राणा असं का म्हणाले? अमरावतीतील राजकाणात मोठ्या घडामोडी