CSK vs DC, IPL 2021 Match 2 Result | पृथ्वी शॉ-शिखर धवनची शानदार अर्धशतकं, दिल्लीची चेन्नईवर 7 विकेटने मात

दिल्लीची विजयी सुरुवात

पृथ्वी शॉ आणि शिखर धवनच्या शानदार अर्धशतकी खेळीच्या जोरावर दिल्ली कॅपिटल्सने आयपीएलच्या 14 व्या मोसमाची विजयी सुरुवात केली आहे. दिल्लीने चेन्नईवर 7 विकेट्सने शानदार विजय मिळवला आहे. चेन्नईने दिल्लीला विजयासाठी 189 धावांचे आव्हान दिले होते. हे आव्हान दिल्लीने 3 विकेट्सच्या बदल्यात 18.4 षटकांमध्ये पूर्ण केलं.

That's that from Match 2 of #VIVOIPL 2021@DelhiCapitals win by 7 wickets ??

Scorecard – https://t.co/jtX8TWxySo #CSKvDC pic.twitter.com/pkFHrX2z0o

— IndianPremierLeague (@IPL) April 10, 2021

15 षटकात दिल्लीच्या 1 बाद 151 धावा, विजयासाठी 38 धावांची आवश्यकता

15 षटकात दिल्लीच्या धावफलकावर 151 धावा झळकल्या आहेत. विजयासाठी दिल्लीला 30 चेंडूत 38 धावांची आवश्यकता आहे.

दिल्लीला पहिला झटका, पृथ्वी शॉ 72 धावांवर बाद

दिल्ली कॅपिटल्सला पहिला झटका बसला आहे. सलामीवीर पृथ्वी शॉ 72 धावांवर बाद झाला आहे. ड्र्वेन ब्राव्होच्या गोलंदाजीवर मोईन अलीकडे झेल देत शॉ बाद झाला. (दिल्ली 138/1)

पृथ्वी शॉचा गगनचुंबी षटकार

सामन्यातील 15 व्या षटकात पृथ्वी शॉने मोईन अलीच्या गोलंदाजीवर गगनचुंबी षटकार ठोकत दिल्लीची स्थिती अधिक मजबूत केली आहे. (दिल्ली 136/0)

शिखर धवनचं अर्धशतक

पृथ्वी शॉपाठोपाठ शिखर धवनने अर्धशतक पूर्ण केलं आहे. शिखरने 35 चेंडूत 2 षटकार आणि 4 चौकारांच्या सहाय्याने 50 धावा पूर्ण केल्या. (दिल्ली 107/0)

पृथ्वी शॉचं धडाकेबाज अर्धशतक

दिल्ली कॅपिटल्सचा सलामीवीर पृथ्वी शॉने यंदाच्या स्पर्धेतील पहिल्याच सामन्यात धडाकेबाज अर्धशतक झळकावलं आहे. त्याने 7 चौकार आणि 2 षटकारांच्या मदतीने 27 चेंडूत 52 धावा फटकावल्या.

फिरकीपटूंमुळे दिल्लीच्या धावगतीला ब्रेक

जलदगती गोलंदाजांची धुलाई झाल्यानंतर महेंद्रसिंह धोनीने फिरकीपटूंच्या हाती चेंडू सोपवला आहे. त्यामुळे दिल्लीची धावगती धीमी झाली आहे. दिल्लीच्या सलामीवीरांना सातव्या आणि आठव्या षटकात प्रत्येकी 5 धावा जमवता आल्या (दिल्ली 8 षटकात 75/0)

पृथ्वी शॉचा हल्लाबोल, शार्दुल ठाकूरच्या गोलंदाजीवर सलग तीन चौकार

सामन्यातील पाचव्या आणि शार्दुल ठाकूरच्या वैयक्तित पहिल्याच षटकात पृथ्वी शॉने हल्लाबोल केला आहे. शार्दुलच्या या षटकात पृथ्वी शॉने सलग तीन चौकार लगावत या षटकात 17 धावा वसूल केल्या.

4.4 षटकात दिल्लीचं अर्धशतक, शॉ-धवनची फटकेबाजी

5 व्या षटकातील चौथ्या चेंडूवर पृथ्वी शॉने शानदार चौकार लगावत धावफलकावर दिल्लीचं अर्धशतक झळकावलं आहे.

दिल्लीची झोकात सुरुवात, शॉ-धवनची फटकेबाजी

चेन्नईने 189 धावांचे आव्हान दिल्यानंतर मैदानात आलेल्या दिल्लीच्या सलामीवीरांनी झोकात सुरुवात केली आहे. पृथ्वी शॉ आणि शिखर धवनने फटकेबाजी सुरु केली आहे. दिल्लीने 3.4 षटकात 36 धावा फलकावर लावल्या आहेत. चौथ्या षटकातील चौथ्या चेंडूवर शिखवर धवनने सॅम करनला शानदार षटकार ठोकत आक्रमक स्टान्स घेतला आहे.

दिल्लीला विजयासाठी 189 धावांचे आव्हान

चेन्नई सुपर किंग्जने दिल्ली कॅपिट्ल्सला विजयासाठी 189 धावांचा आव्हान दिले आहे. चेन्नईने निर्धारित 20 ओव्हरमध्ये 7 विकेट्स गमावून 188 धावा केल्या. चेन्नईकडून मिस्टर आयपीएल सुरेश रैनाने सर्वाधिक 54 धावा केल्या. मोईन अलीने 36 तर तसेच सॅम करनने 34 धावांची खेळी केली. दिल्लीकडून आवेश खान आणि ख्रिस वोक्स या जोडीने प्रत्येकी 2 विकेट्स घेतल्या.

Match 2. 19.6: WICKET! S Curran (34) is out, b Chris Woakes, 188/7 https://t.co/JzEqukJJPb #CSKvDC #VIVOIPL #IPL2021

— IndianPremierLeague (@IPL) April 10, 2021

19 व्या ओव्हरमध्ये 23 धावा

चेन्नईने 19 व्या ओलव्हरमध्ये 23 धावा फटकावल्या. सॅम करनने या ओव्हरमध्ये टॉम करनच्या बोलिंगवर फटकेबाजी केली. सॅमने या ओव्हरमध्ये सलग 2  सिक्स लगावले. त्यानंतर 1 चौकार लगावला.

सॅम करनचे सलग 2 सिक्स

सॅम करनने टॉम करनच्या बोलिंगवर 19  व्या ओव्हरमध्ये सलग 2 षटकार लगावले.

चेन्नईच्या 17 ओव्हरमध्ये 150 धावा पूर्ण

चेन्नईने 150 धावांचा टप्पा ओलांडला आहे. 17 ओव्हरमध्ये 6 विकेट्स गमावून चेन्नईने 150 धावा पूर्ण केल्या आहेत. सॅम करन आणि रवींद्र जाडेजा खेळत आहेत.

धोनी भोपळा न फोडता माघारी

चेन्नईचा कर्णधार महेंद्रसिंह धोनीची 14 व्या मोसमाची निराशाजनक सुरुवात झाली आहे. धोनी दिल्ली विरुद्ध सुरु असलेल्या सामन्यात शून्यावर आऊट झाला. धोनीला भोपळाही फोडता आला नाही.

रैना रन आऊट

मैदानात सेट झालेला सुरेश रैना रन आऊट झाला आहे. रैनाने 36 चेंडूत 3 चौकार आणि 4 षटकारांच्या मदतीने शानदार 54 धावा केल्या.

चेन्नईला चौथा धक्का

चेन्नईने चौथी विकेट गमावली आहे. अंबाती रायुडूच्या रुपात चौथी धक्का लागला आहे. रायुडू फटकेबाजीच्या नादात कॅच आऊट झाला. रायुडूने 23 धावा केल्या.

सुरेश रैनाचे सिक्सर खेचत शानदार अर्धशतक

सुरेश रैनाने आयपीएलमध्ये वर्षानंतर जोरदार पुनरागमन केलं आहे. रैनाने दिल्ली विरुद्ध सिक्स खेचत 32 चेंडूत अर्धशतक पूर्ण केलं आहे.

Raina is back with a bang! ??

Brings up his FIFTY off 32 deliveries.

Live - https://t.co/JzEquks8qB #CSKvDC #VIVOIPL pic.twitter.com/eTbUWQnays

— IndianPremierLeague (@IPL) April 10, 2021

रैनाची जोरदार फटकेबाजी

वर्षभरानंतर चेन्नईत पुनरागमन केल्लया सुरेश रैना शानदार फलंदाजी करत आहे.  सामन्याच्या 12 व्या ओव्हरमध्ये अमित मिश्राच्या बोलिंगवर 17 धावा चोपल्या. यामध्ये रैनाने 2 षटकार लगावले.

रैनाचा शानदार सिक्स

मिस्टर आयपीएलने नवव्या ओव्हरच्या शेवटच्या चेंडूवर अश्विनच्या गोलंदाजीवर शानदार षटकार लगावला. यासह चेन्नईची धावसंख्या 9 ओव्हरनंतत 3 बाद 66 अशी झाली आहे.

चेन्नईला तिसरा झटका, मोईन अली आऊट

चेन्नईने तिसरी विकेट गमावली आहे. चेन्नईकडून पदार्पण केलेल्या मोईन अलीच्या रुपात चेन्नईने तिसरी विकेट गमावली. अली चांगली खेळी करत होता. तो सेट झाला होता. पण मोठा फटका मारण्याच्या नादात तो 36 धावांवर कॅच आऊट झाला. शिखर धवनने मोईनचा चांगला कॅच घेतला. मोईनने 36 धावांची खेळी केली.

सुरेश रैना आणि मोईन अलीने चेन्नईचा डाव सावरला

सुरेश रैना आणि मोईन अलीने चेन्नईचा डाव सावरला आहे. चेन्नईने पहिले 2 विकेट झटपट गमावले. फॅफ डु प्लेसिस भोपळा न फोडता माघारी परतला. तर ऋतुराज गायकवाड 5 धावांवर बाद झाला. विशेष म्हणजे चेन्नईने हे दोन्ही विकेट 7 धावांवर गमावले. त्यामुळे चेन्नईची खराब सुरुवात झाली. मात्र त्यानंतर अनुभवी रैना आणि चेन्नईकडून पदार्पण केलेल्या मोईनने डाव सावरला.

चेन्नईला दुसरा झटका

चेन्नईला पहिला धक्का

चेन्नईला पहिला धक्का बसला आहे. आवेश खाने फॅफ डु प्लेसिसला शून्यावर  एलबीडबल्यू आऊट केलं आहे.

चेन्नई आणि ऋतुराजची चौकाराने सुरुवात

चेन्नई आणि ऋतुराज गायकवाडने आयपीेलच्या 14 व्या मोसमाची चौकार लगावत शानदार सुरुवात केली आहे. ऋतुराजने ख्रिस वोक्सच्या गोलंदाजीवर फोर लगावला.

चेन्नईच्या बॅटिंगला सुरुवात

चेन्नईच्या बॅटिंगला सुरुवात झाली आहे. ऋतुराज गायकवाड आणि फॅफ डु प्लेसिस ही सलामी जोडी मैदानात खेळत आहेत.

युवा दिल्ली कॅपिटल्सची प्लेइंग इलेव्हन

शिखर धवन, पृथ्वी शॉ, अजिंक्य रहाणे, ऋषभ पंत (कर्णधार), अमित मिश्रा, आवेश खान, मार्कस स्टोइनिस, शिमरन हेटमायर, ख्रिस वोक्स, रवीचंद्रन अश्विन आणि टॉम करन.

Match 2. Delhi Capitals XI: P Shaw, S Dhawan, A Rahane, R Pant, S Hetmyer, M Stoinis, C Woakes, T Curran, R Ashwin, A Mishra, A Khan https://t.co/JzEqukJJPb #CSKvDC #VIVOIPL #IPL2021

— IndianPremierLeague (@IPL) April 10, 2021

चेन्नईचे अंतिम 11 शिलेदार

महेंद्रसिंह धोनी (कर्णधार), सुरेश रैना, अंबाती रायुडू, दीपक चाहर, ड्वेन ब्रावो, फॅफ डु प्लेसीस, रवींद्र जडेजा, ऋतुराज गायकवाड, शार्दुल ठाकुर, सॅम करन आणि मोईन अली.

Match 2. Chennai Super Kings XI: F du Plessis, R Gaikwad, M Ali, S Raina, A Rayudu, MS Dhoni, R Jadeja, S Curran, DJ Bravo, S Thakur, D Chahar https://t.co/JzEqukJJPb #CSKvDC #VIVOIPL #IPL2021

— IndianPremierLeague (@IPL) April 10, 2021

दिल्लीकडून 2 खेळाडूचं पदार्पण

दिल्लीने 2 खेळाडूंना पदार्पणाची संधी दिली आहे. कगिसो रबाडा आणि एनरिच नॉर्कियाची उणीव भरुन काढण्यासाठी इंग्लंडच्या ख्रिस वोक्स आणि टॉम करन या अष्टपैलू खेळाडूंना संधी देण्यात आली आहे.

Two debutants for @DelhiCapitals and a special cap for @MishiAmit who is all set to play his 100th T20 game for #DC#VIVOIPL #CSKvDC pic.twitter.com/2b8cnQTFh5

— IndianPremierLeague (@IPL) April 10, 2021

दिल्लीने टॉस जिंकला

नाणेफेकीचा कौला दिल्लीच्या बाजूने लागला आहे. रिषभ पंतने टॉस जिंकून चेन्नईला फलंदाजीसाठी भाग पाडले आहे. त्यामुळे दिल्ली विजयी आव्हानाचे पाठलाग करणार आहे.

.@DelhiCapitals Skipper @RishabhPant17 wins the toss and elects to bowl first against @ChennaiIPL.

Live - https://t.co/jtX8TWxySo #VIVOIPL #CSKvDC pic.twitter.com/sKGjc5y12U

— IndianPremierLeague (@IPL) April 10, 2021

टॉसचा बॉस कोण?

अवघ्या काही मिनिटांमध्ये नाणेफेक होणार आहे. त्यामुळे हा नाणेफेकीचा कौल कोणाच्या बाजूने लागणार याकडे सर्वांचेच लक्ष असणार आहे.

चेन्नई विरुद्ध दिल्ली आमनेसामने

आयपीएलच्या 14 व्या मोसमातील दुसरा सामना चेन्नई सुपर किंग्स विरुद्ध दिल्ली कॅपिटल्स यांच्यात खेळवण्यात येणार आहे. सामन्याला अवघ्या काही मिनिटांमध्ये सुरुवात होणार आहे.

Hello & welcome from the Wankhede Stadium in Mumbai for Match 2 of the #VIVOIPL??

The @msdhoni-led @ChennaiIPL take on @DelhiCapitals, led by @RishabhPant17 ??

Which team are you supporting in tonight's clash❓ @Vivo_India #CSKvDC pic.twitter.com/mGP82gQXHr

— IndianPremierLeague (@IPL) April 10, 2021