IPL 2020 | चेन्नईचा स्टार खेळाडू शेन वॉटसनची आयपीएलमधून निवृत्ती

शेन वॉटसनने आयपीएल 2018 च्या अंतिम सामन्यात शतकी कामगिरी करत चेन्नईला विजेतेपद मिळवून दिलं होतं.

sanjay patil | Updated on: Nov 02, 2020 | 6:28 PM

दुबई : चेन्नई सुपर किंग्जसचा (Chennai Super Kings) अष्टपैलू खेळाडू शेन वॉटसनने (Shane Watson) क्रिकेटच्या सर्व प्रकारातून निवृत्ती घेतली आहे. शेन वॉटसनने निवृत्तीची माहिती चेन्नईच्या सहकाऱ्यांना सांगितली असल्याची माहिती मिळते आहे. मात्र याबाबत वॉटसनने कोणतीही औपचारिक घोषणा केलेली नाही. चेन्नईने आयपीएलच्या 13 व्या मोसमातील शेवटचा सामना रविवारी 1 नोव्हेंबरला पंजाबविरुद्ध खेळला. या सामन्यात चेन्नईने पंजाबवर 9 विकेट्सने मात केली. “शेवटच्या सामन्यानंतर वॉटसन ड्रेसिंगरुममध्ये भावूक झालेला पाहायला मिळाला. भावूक होत क्रिकेटमधून निवृत्ती घेत असल्याची माहिती वॉटसनने आपल्या सहकाऱ्यांना दिली”. याबाबतचे वृत्त टीओआयने सूत्रांच्या हवाल्याने दिले आहे. सूत्रांच्या माहितीनुसार, शेन वॉटसन आता टीम मॅनेजमेंटमध्ये आपली भूमिका पार पाडताना दिसू शकतो. IPL 2020 Chennai Super Kings All Rounder Shane Watson announced his retirement from all forms of cricket

वॉटसनची आयपीएल कारकिर्द

शेन वॉटसनने आयपीएलमध्ये एकूण 145 सामने खेळले आहेत. यामध्ये त्याने 137.91 च्या स्ट्राईक रेटने आणि 30. 99 च्या सरासरीने 2 हजार 809 धावा केल्या आहेत. यामध्ये 4 शतक आणि 21 अर्धशतकांचा समावेश आहे. नाबाद 117 ही त्याची आयपीएलमधील सर्वोच्च वैयक्तिक धावसंख्या आहे. तसेच बोलिंग करताना वॉटसनने 145 सामन्यात 92 विकेट्स घेतल्या आहेत. 29 धावा देऊन 4 विकेट्स ही त्याची सर्वोत्त कामगिरी आहे.