SBI ATM मधून पैसे काढण्याच्या नियमात बदल, ट्रॅन्झॅक्शन फेल झाल्यास ग्राहकांकडून शुल्क

मुंबई : स्टेट बँक ऑफ इंडियाने (एसबीआय) आपल्या ATM मधून पैसे काढण्याच्या नियमात बदल केले आहेत (SBI bnak change ATM Rules). मेट्रो शहरातील नियमित बचत खातेधारकांना एटीएममधून महिन्याला आठ वेळा ट्रॅन्झॅक्शन करण्याची सुविधा दिली आहे. मोफत ट्रॅन्झॅक्शन करण्याची मर्यादा संपल्यावर त्यापुढील ट्रॅन्झॅक्शनवर ग्राहकांकडून पैसे वसूल केले जातील, अशी माहिती एसबीआयने आपल्या अधिकृत वेबसाईट sbi.co.in वर दिली आहे. त्यासोबत खात्यात पैसे नसतानाही तुम्ही ट्रॅन्झॅक्शन केले आणि ते फेल झाले तर तुम्हाला शुल्क भरावे लागणार आहे (SBI bnak change ATM Rules).

एसबीआयने एका महिन्यात आपल्या नियमीत बचत खातेधारकांना आठ मोफत ट्रॅन्झॅक्शन करण्याची सुविधा दिली आहे. ज्यामध्ये पाच एसबीआय आणि तीन दुसऱ्या एटीएमसाठी ट्रॅन्झॅक्शन दिले गेले आहेत. तसेच मेट्रो शहरा व्यतिरीक्त इतर ठिकाणी 10 ट्रॅन्झॅक्शन मोफत दिले आहेत. यामध्ये पाच ट्रॅन्झॅक्शन एसबीआय बँकेसाठी तर इतर पाच दुसऱ्या बँकांसाठी दिले आहेत.

बँकेच्या बचत खात्यामध्ये एक लाख रुपयांपेक्षा अधिक पैसे महिन्याला ठेवत असतील, अशा खातेधारकांना स्टेट बँक ग्रुप (SBG) आणि इतर बँकाचे एटीएमच्या ट्रॅन्झॅक्शनसाठी अमर्यादीत ट्रॅन्झॅक्शनची सुविधा दिली जाते.

एटीएम ट्रॅन्झॅक्शन चार्ज

जर एखाद्या खातेधारकाच्या खात्यात पैसे नसतील आणि अशावेळी कोणतेही ट्रॅन्झॅक्शन जर फेल झाले, तर त्या खातेधारकावर एसबीआय 20 रुपयांचे शुल्क+GST वसूल करेल. म्हणजेच एटीएममधून पैसे काढण्याचा प्रयत्न केला. पण खात्यात पैसे नसल्याने ट्रॅन्झॅक्शन फेल झाले तर तुम्हाला शुल्क भरावे लागणार.

संबंधित बातम्या :

एकाच वेळी 50 जणांना व्हिडीओ कॉल, व्हॉट्सअ‍ॅपचे नवीन फिचर येणार

ना पक्ष पाहतो, ना राजकीय हितसंबंध; भाजपबाबत नरमाईच्या आरोपांवर फेसबुकचे स्पष्टीकरण