Aadhaar Card Update : मोबाईल क्रमांक बदलला, आधार कार्डसोबत असा जोडा नवीन क्रमांक

नवी दिल्ली : आधार कार्ड (Aadhaar Card) हा एक महत्वपूर्ण दस्तावेज आहे. विविध सरकारी योजनांला लाभ घेण्यापासून तर अनेक ठिकाणी ओळख दाखविण्यापर्यंत या कार्डचा आता वापर करण्यात येतो. सिम कार्ड खरेदी असो, बँकेत नवीन खाते उघडणे असो, शाळेत प्रवेश घेण्यासाठी सर्वच ठिकाणी आधार कार्डचा वापर करण्यात येतो. आधार कार्डसंबंधित अनेक सेवा ऑनलाईन (Online Services) मिळतात. पण त्यासाठी आधार कार्डसोबत तुमचा मोबाईल क्रमांक जोडलेला असणे आवश्यक आहे. तुम्ही आधार कार्डशी लिंक्ड केलेला मोबाईल क्रमांक विसरले, तो क्रमांक बदलला असल्यास तुम्हाला नवीन मोबाईल क्रमांक (Mobile Number Update) जोडणे आवश्यक आहे.

आधार कार्डशी जोडलेला मोबाईल क्रमांक बंद झाला. तो क्रमांक आठवत नसेल. मोबाईल क्रमांक हरवला असेल तर नवीन मोबाईल क्रमांक आधार कार्डशी जोडता येतो. याविषयीची प्रक्रिया अत्यंत सोपी आहे. ही प्रक्रिया पूर्ण झाल्यावर नवीन मोबाईल क्रमांक अपडेट करता येईल.

त्यासाठी तुम्हाला अगोदर UIDAI चे अधिकृत संकेतस्थळ अथवा My Aadhaar वर लॉग इन करावे लागेल. या ठिकाणी व्हेरिफाय आधारवर लिंक करा. आधार कार्ड क्रमांक आणि कॅप्चा टाका. त्यानंतर सबमिट पर्यायावर क्लिक करा.

पुढील पेजवर आधार कार्ड जोडणीची माहिती मिळेल. आधार कार्डसोबत जोडलेल्या मोबाईल क्रमांकाची शेवटची चार आकडे दिसतील. त्याद्वारे आधार कार्डच्या रजिस्टर्ड मोबाईल क्रमांकाची माहिती मिळेल. हा क्रमांक हटवून नवीन मोबाईल क्रमांक जोडणीची प्रक्रिया पूर्ण करता येईल.

सर्वात अगोदर UIDAI च्या अधिकृत संकेतस्थळावर जावे लागेल. My Aadhaar वर लॉग इन करावे लागेल. याठिकाणी Aadhaar Services वर क्लिक करा. त्यानंतर Update Your Mobile Number या लिंकवर क्लिक करा. ही प्रक्रिया पूर्ण केल्यावर नवीन मोबाईल क्रमांक नोंदविल्या जाईल.

सर्वात अगोदर नवीन मोबाईल क्रमांक आणि कॅप्चा कोड टाका आणि OTP पर्याय निवडा. मोबाईल क्रमांक व्हेरिफिकेशनसाठी UIDAI तुमच्या मोबाईल क्रमांकावर OTP पाठवेल. कोड सबमिट करा. मोबाईल क्रमांक आधारशी जोडल्या जाईल.

यापूर्वी आधार कार्डशी जोडलेला तुमचा मोबाील क्रमांक बंद झाला, हरवला तर नवीन मोबाईल क्रमांक जोडता येतो. त्यासाठी तुम्हाला आधार केंद्रावर जावे लागेल. त्याठिकाणी मूळ आधार कार्ड आणि इतर एखादे ओळखपत्र दाखवावे लागेल.

आधार कार्ड अपडेट वा करेक्शन फॉर्म भरुन नवीन मोबाईल क्रमांक समाविष्ट करण्याची विनंती करता येईल. ओटीपी सबमिट केल्यानंतर नवीन मोबाईल क्रमांक समाविष्ट करता येईल. पुढील प्रक्रिया पूर्ण झाल्यावर नवीन क्रमांकावर आधार कार्डसंबंधीची कामे पूर्ण करता येतील.