आधार कार्ड IRCTC सोबत लिंक करा आणि मिळवा ‘हे’ फायदे

नवी दिल्ली: लांब पल्ल्याच्या एक्स्प्रेस गाड्यांनी प्रवास करताना आपल्यापैकी अनेकजण इंडियन रेल्वे कॅटरिंग अँण्ड टुरिझन कॉर्पोरेशनच्या (IRCTC) माध्यमातून तिकीट बुक करत असतील. तुम्ही IRCTC वरुन एका महिन्यात जास्तीत जास्त सहावेळा तिकीट बुक करु शकता. मात्र, तुम्ही तुमचे आधारकार्ड IRCTC अकाऊंटसोबत लिंक केल्यास तुम्हाला महिन्याला सहाऐवजी 12 वेळा रेल्वे तिकीटं बुक करता येतील.

IRCTC अकाऊंटला आधार लिंक कसे कराल?

* सर्वप्रथम IRCTC च्या irctc.co.in या तिकीट बुकिंग संकेतस्थळावर जावे. * युजर आयडी आणि पासवर्ड टाकून अकाऊंट लॉगइन करावे. * होमपेजवर तुम्हाला My Account हा ऑप्शन दिसेल. त्यामध्ये जाऊन आधार केवायसी हा पर्याय निवडावा. * त्यानंतर आपला आधार क्रमांक टाकून Send OTP वर क्लिक करावे. * तुमच्या रजिस्टर्ड मोबाईल नंबरवर आलेला ओटीपी टाकून व्हेरिफिकेशन करावे. * या सगळ्या प्रक्रियेनंतर तुमच्या मोबाईलवर केवायसी डिटेल्स अपडेट झाल्याचा मेसेज येईल.

तिकीट बुक करण्यासाठी आधार व्हेरिफाय गरजेचे

IRCTC अकाऊंटवरुन तिकीट बुक करण्यासाठी तुमचे प्रोफाईल आधार व्हेरिफाय असणे गरजेचे आहे. तिकीट बुक करण्यापूर्वी आधार कार्डाचा तपशील देऊन मास्टर लिस्ट अपडेट करावी लागेल. तिकीट बुक केल्यानंतर मोबाईलवर प्रवाशाचे नाव, तिकाटाचे स्टेटस, भाडे असा सर्व तपशील येईल.

पॅनकार्ड कसे जोडाल आधार कार्डशी?

– आयकर विभागाच्या अधिकृत वेबसाइट incometaxindiaefiling.gov.in वर लॉगिन करा.

– इथे तुम्हाला आधार लिंक करण्याचा पर्याय दिसेल. त्यावर क्लिक करा.

– त्यानंतर तुमचा पॅन नंबर, आधार क्रमांक, तुमचे नाव खाली असलेल्या बॉक्समध्ये भरा.

– यानंतर कॅप्चा कोड काळजीपूर्वक पाहा आणि बॉक्समध्ये भरा.

– सर्व माहिती भरल्यानंतर आधारशी लिंक अशा पर्यायावर क्लिक करा.

संबंधित बातम्या:

वेटिंग लिस्टमध्ये ताटकळत बसू नका, कन्फर्म तिकीट कसे मिळवाल?

जर आपण आपल्या स्टेशनवर चढू किंवा उतरू शकले नाही, तर रेल्वे भाडे परत करणार