सुरक्षित भविष्यासाठी गुंतवणूक करायचीये?; मग ‘या’ दहा गोष्टींचा आवश्य विचार करा, नुकसान टाळा

श्रीमंत असो अथवा गरीब प्रत्येक व्यक्तीच्या आयुष्यात गुंतवणूक ही महत्त्वाची असते. गुंतवणूक योग्य ठिकाणी झाल्यास त्यातून मिळणारा परतावा देखील अधिक असतो. मात्र गुंतवणूक करताना आपल्याला अनेक गोष्टींचा विचार करावा लागतो.

Ajay Deshpande | Updated on: Feb 13, 2022 | 5:40 AM

मुंबई : श्रीमंत असो अथवा गरीब प्रत्येक व्यक्तीच्या आयुष्यात गुंतवणूक (Investment) ही महत्त्वाची असते. गुंतवणूक योग्य ठिकाणी झाल्यास त्यातून मिळणारा परतावा (Refund) देखील अधिक असतो. मात्र गुंतवणूक करताना आपल्याला अनेक गोष्टींचा विचार करावा लागतो. जसे की आपन नेमकी जी गुंतवणूक करणार आहोत ती कशासाठी करत आहोत? म्हणजे गुंतवणुकीचा उद्देश (purpose of the investment) काय आहे. आपण ज्या कारणासाठी गुंतवणूक केली आहे. त्यावेळी आपल्याला तो पैसा वेळेत उपलब्ध होईल का?, आपण ज्या ठिकाणी पैसे गुंतवणार आहोत तिथे पैसे गुंतवण्यामध्ये रिस्क किती आहे. पैसे गुंतवण्यामध्ये रिस्क असल्यास आपण त्याचा सामना करू शकू का? गुंतवणुकीसंदर्भांत असे एकना अनेक प्रश्न आपल्याला पडतात. आज आपण अशाच दहा गोष्टींबद्दल जाणून घेणार आहोत, ज्या प्रश्नांचा तुम्ही गुंतवणुकीपूर्वीच विचार करायलाच हवा.

गुंतवणुकीसाठी दहा महत्त्वाच्या गोष्टी

1) गुतंवणुकीचा उद्देश : आपण जो पैसा गुंतवणार आहोत तो पैसा गुंतवण्यामागे आपला उद्देश काय आहे. आपल्याला पैसा कशासाठी बचत करायचा आहे. उद्देशामध्ये दोन प्रकार पडतात शॉर्ट टर्म गोल आणि लॉंग टर्म गोल. शॉर्ट टर्म गोलमध्ये वाहन खरेदी, एखादी घरगुती वस्तू खरीदने अशा गोष्टींचा समावेश होतो. तर लॉंग टर्म गोलमध्ये घर खरेदी, शिक्षण, लग्न अशा गोष्टींचा समावेश होतो. या गुंतवणुकीमधून तुमचा उद्देश साध्य होणार असेल तर तुम्ही गुंतवणूक करू शकता.

2) गुतंवणुकीचा कालावधी : आपण करत असलेल्या गुतंवणुकीचा कालावधी किती आहे. तेवढ्या कालावधीपर्यंत आपण पैशांची गुंतवणूक करू शकतो का याचा विचार करणे देखील महत्त्वाचे असते.

3) वेळेत पैसे परत मिळणार का: आपण एखाद्या विशिष्ट वेळेसाठी किंवा कामासाठी पैशांची गुंतवणूक करत असतो. आपण गुंतवणूक केलेला पैसा त्या वेळेत आपल्या परत मिळणार का याचा विचार करावा.

4) गुंतवणुकीमधून परतावा किती मिळणार : प्रत्येक जण चांगल्या परताव्यासाठीच गुंतवणूक करत असतो. तेव्हा आपण जी गुंतवणूक करणार आहोत त्यामधून किती परतावा मिळणार याचा विचार करावा.

5) मिळणाऱ्या परताव्यावर टॅक्स लागणार का : आपल्याला जो परतावा मिळणार आहे, त्यावर आपल्याला टॅक्स लागणार का? लागल्यास आपल्याला टॅक्सच्या रुपात किती पैसे भरावे लागणार याचा विचार करावा.

6) गुंतवणूक साधण : आपण नेमकी गुंतवणूक कशामध्ये करणार आहोत. म्हणेज शेअर मार्केट, बँकेची एखादी योजना, म्यूचल फंड की अन्य एखादी स्कीम याचा देखील विचार करणे गरजेचे असते.

7) गुंतवणुकीमधील जोखमी: आपण ज्या ठिकाणी पैसे गुंतवणार आहोत, त्या स्कीममध्ये किती जोखमी आहे, याचाही विचार करा. समजा तुम्ही एखाद्या बँकेत पैशांची एफडी केली तर त्यामध्ये रिस्क कमी असते. मात्र तुम्ही जर तेच पैसे शेअर मार्केट किंवा म्युचल फंडमध्ये गुंतवले तर त्यात रिस्क अधिक असते.

8) जोखमेचा सामना : तुम्ही जर एखाद्या चांगला परतावा देणाऱ्या मात्र उच्च जोखमी असलेल्या योजनेत पैसे गुंतवले आणि दुर्दैवाने तुमचे पैसे बुडाले तर असा परिस्थितीचा तुम्ही सामना करू शकता का?

9) गुंतवणुकीची किंमत : अनेक योजना अशा असतात की, ज्यांची किंमत वर्षानुवर्ष तेवढीच राहाते किंवा अल्प प्रमाणात वाढते. मात्र अनेक योजना अशा देखील आहेत, ज्या तुम्हाला अल्प कालावधितच भरघोस नफा मिळून देतात.

10) निष्कर्ष : तुम्ही जेव्हा वरील नऊ गोष्टींचा विचार करता तेव्हा त्यातून एक निष्कर्ष निघतो. तो म्हणजे तुम्ही जिथे पैसे गुंतवणार आहात, तो गुंतवणुकीचा मार्ग तुमच्यासाठी योग्य आहे का. हेच सांगणार एक व्हीडिओ Ankur Warikoo यांच्या युट्यूब चॅनलवर प्रसिद्ध करण्यात आला आहे.