Amit Shah On SIR : डंके की चोट पर…; SIR च्या मुद्द्यावर अमित शाहांचा विरोधकांना थेट इशारा

केंद्रीय गृहमंत्री अमित शाह यांनी काँग्रेस पक्षावर जोरदार हल्ला चढवला आहे. एका सभेला संबोधित करताना शाह यांनी काँग्रेसच्या १ नोव्हेंबर रोजी झालेल्या दिल्लीतील रॅलीवर प्रश्नचिन्ह उपस्थित केले. “तुम्ही दिल्लीत संपूर्ण देशातून लोक बोलावले, दहा लाख लोकांचे आवाहन केले, ७० हजार लोकांचे मैदानही अर्धे रिकामे होते,” असे म्हणत त्यांनी काँग्रेसच्या जनसमर्थनावर टीका केली.

शाह यांनी १ नोव्हेंबर १९८४ च्या शीख दंगलींची आठवण करून देत काँग्रेस पक्षाला दोषी ठरवले. तसेच, त्यांनी हिमाचल प्रदेश आणि तेलंगणामध्ये काँग्रेसने दिलेल्या “खटाखट” गारंट्या पूर्ण न केल्याचे नमूद केले. याउलट, हरियाणातील मोदी सरकारने शेतकऱ्यांना २४ पिकांवर एमएसपी देऊन सर्व गारंट्या पूर्ण केल्याचे त्यांनी सांगितले.

अमित शाह यांनी मोदी सरकारच्या यशस्वी योजनांची माहिती दिली. जागतिक बँकेच्या आकडेवारीनुसार, ५० कोटी लोक गरिबी रेषेच्या बाहेर आले आहेत. ८१ कोटी लोकांना मोफत रेशन, ४९ कोटी लोकांना ५ लाखांपर्यंत मोफत उपचार, १६ कोटी घरांना नळाने पाणी आणि ३.५ कोटी लोकांना घरे मिळाल्याचे त्यांनी सांगितले. “डंके की चोट पर” सांगतो की, घुसखोरांना बाहेर काढणार, असा निर्धारही शाह यांनी व्यक्त केला.