Amol Mitkari on Fadnavis | राज्याचे उपमुख्यमंत्री देवेंद्र फडणवीस (Devendra Fadnavis) म्हणजे मुंह मे राम और बगल मे छुरी असल्याची टीका राष्ट्रवादी काँग्रेसचे नेते अमोल मिटकरी (Amol Mitkari) यांनी केली आहे. फडणवीस बोलतात एक आणि करतात एक असे म्हणत त्यांनी त्यांच्या दुटप्पी भूमिकेचा समाचार घेतला आहे. व्याघ्र दिनाच्या शुभेच्छा देताना फडणवीस यांनी वाघ जगले पाहिजेत, असे ट्विट केले आहे, त्या ट्विटचा (twit)समाचार अमोल मिटकरी यांनी घेतला आहे. शिंदे आण फडणवीस सरकार सत्तेत येताच त्यांनी आरे कारशेडवर (Array Carshed) घाला घातला, मेट्रो शेड उभारलं. आरे हे मुंबईचा ऑक्सिजन आहे. याठिकाणी पट्टेदार वाघांचा (Tiger) आणि बिबट्यांचा संचार असतो. असे असतानाही आरेचं जंगल कापण्याचा कोतेपणा उपमुख्यमंत्री देवेंद्र फडणवीस करत आहेत. ज्याठिकाणी वाघ मुक्तपणे फिरतो, ते जंगल ते कापायला निघालेत आणि वरतून वाघ जगला पाहिजे अशा शुभेच्छा ते देत आहेत. त्यांनी असा दुटप्पीपणा बंद करावा असे मिटकरी म्हणाले.