Ashok Kharat Case | अशोक खरातची एसआयटीकडून चौकशी सुरू; चार मोबाईल नंबर वापरत असल्याचे उघड

भोंदूबाबा अशोक खरात याची एसआयटीकडून सलग पाच तासांपासून चौकशी सुरू असल्याची माहिती समोर आली आहे. तपासादरम्यान खरात चार वेगवेगळे मोबाईल नंबर वापरत असल्याचे उघड झाले आहे. सूत्रांच्या माहितीनुसार, एक मोबाईल नंबर खास व्हीआयपी व्यक्तींसाठी वापरला जात होता, तर दुसरा नंबर निवडक भक्तांसाठी राखीव होता. तिसरा नंबर आर्थिक व्यवहारांसाठी वापरला जात असल्याची माहिती आहे, तर चौथा नंबर सर्वसामान्य लोकांशी संपर्कासाठी वापरला जात होता. या सर्व मोबाईल नंबर आणि उपकरणांमधील डेटा मिळवण्यासाठी फॉरेन्सिक पथकाकडून तपास सुरू आहे. डिजिटल पुरावे गोळा करण्यावर विशेष भर दिला जात आहे. दरम्यान, अशोक खरात याला न्यायालयाने एका तारखेपर्यंत पोलीस कोठडी सुनावली आहे. तांत्रिक तपास पूर्ण करण्यासाठी ही कोठडी आवश्यक असल्याचे सांगण्यात आले आहे. या प्रकरणात पुढील तपास सुरू असून आणखी धक्कादायक माहिती समोर येण्याची शक्यता व्यक्त केली जात आहे.