अशोक उईकेंचं अभिजीत दीपकेंना थेट आव्हान; आश्रमशाळांच्या मुद्द्यावरून मोठा वाद

आदिवासी विकास मंत्री अशोक उईके यांनी अभिजीत दीपके यांना काँग्रेसच्या आश्रमशाळांना भेट देण्याचे आव्हान दिले आहे. जर काँग्रेसच्या पदाधिकाऱ्यांच्या आश्रमशाळा वगळून इतरत्र प्रवास केला, तर दीपके राजकारण करत असल्याचे सिद्ध होईल, असे अशोक उईके यांनी स्पष्ट केले आहे. सरकारने अनुदानित आश्रमशाळांच्या गुणवत्तेबाबत गंभीर भूमिका घेतली आहे.

महाराष्ट्राचे मुख्यमंत्री देवेंद्र फडणवीस यांच्या नेतृत्वात तिसऱ्या पक्षाच्या ऑडिटची प्रक्रिया सुरू झाली आहे. येत्या तीन महिन्यांत ज्या अनुदानित आश्रमशाळांमध्ये सोयीसुविधा नाहीत किंवा विद्यार्थ्यांना दर्जेदार शिक्षण मिळत नाही, अशांवर कठोर कारवाई करण्यात येणार आहे.