नाशिक, ४ ऑगस्ट २०२३ | नाशिक शहरातील सिटी लिंक वाहतूक सेवा पुन्हा एकदा ठप्प झाली आहे. गेल्या वर्षभरात सिटी लिंक बस कर्मचाऱ्यांचं हे चौथं आंदोलन आहे. अनेकदा सिटी लिंक बस कर्मचाऱ्यांचे वेतन न दिल्याने कर्मचाऱ्यांमध्ये नाराजी होती. मात्र वेतन थकल्याने आजपासून पुन्हा संपाचं हत्यार उपसल्याचे समोर आले आहे. गेल्या काही महिन्यांपासून वारंवार वेतन थकत असल्याने कर्मचारी संपावर जात आहेत. मागच्या काही दिवसांपूर्वीच संप झाल्यानंतर वेतन वेळेवर देण्याचे ठेकेदाराने आश्वासन दिले होते. मात्र ते आश्वासन कर्मचाऱ्यांना देऊन देखील वेतन न मिळत असल्याने कर्मचारी पुन्हा संतप्त झाले आहेत. नाशिक शहरातील बस सेवा पुन्हा विस्कळीत झाल्याने सर्वसामान्य नागरिकांना सिटी लिंक कर्मचाऱ्यांच्या संपाचा फटका बसला आहे.