Dino Morea : दिनो मोरियाच्या अडचणी वाढल्या?; मिठी नदी घोटाळ्याप्रकरणी EOWकडून चौकशी सुरू, नेमकं प्रकरण काय?

अभिनेता दिनो मोरियाची मिठी नदी गाळ उपसा प्रकरणातील कथित घोटाळ्याप्रकरणी आर्थिक गुन्हे शाखेकडून चौकशी सुरू झाली आहे. मुंबईतील सीपी (पोलीस आयुक्त) कार्यालयात आज त्याला चौकशीसाठी बोलावण्यात आले आहे. मिठी नदीच्या गाळ उपसा प्रकरणात करोडो रुपयांचा घोटाळा झाल्याचा आरोप असून, या संदर्भात गुन्हा दाखल करण्यात आला आहे.

दिनो मोरियाला आदित्य ठाकरे यांचे निकटवर्तीय मानले जाते, आणि मिठी नदीच्या टेंडर घोटाळ्याशी त्याचा संबंध जोडला जात आहे. या घोटाळ्यात मोठ्या प्रमाणावर आर्थिक अनियमितता झाल्याचा दावा करण्यात येत आहे. यापूर्वीही आर्थिक गुन्हे शाखेकडून या प्रकरणाची चौकशी झाली होती. आता पुन्हा त्याला चौकशीसाठी बोलावण्यात आल्याने प्रकरणाला महत्त्व प्राप्त झाले आहे. या चौकशीतून नेमके काय सत्य समोर येते, याकडे सर्वांचे लक्ष लागले आहे.