मुंबई : आज मंत्रालयात जाण्यापूर्वी मुख्यमंत्री एकनाथ शिंदे (Eknath Shinde) आणि उपमुख्यमंत्री देवेंद्र फडणवीस (Devendra Fadnavis) यांच्या मंत्रिमंडळातील नव्या मंत्र्यांनी काम सुरू होण्यापूर्वी शिवेसनाप्रमुख दिवंगत बाळासाहेब ठाकरे यांना अभिवादन केलं. मागच्या काही दिवसांपासून एकनाथ शिंदे -फडणवीस सरकारचा मंत्रिमंडळ विस्तार (Cabinet Expansion) रखडलं होता. अखेर तो पूर्ण झाला आहे. यावेळी नव्या मंत्र्यांनी माध्यमांना प्रतिक्रिया दिली. यावेळी आमदार बच्चू कडू नाराज असल्याच्या प्रश्नावर मंत्री दीपक केसरकर यांनी भाष्य केलं. ते म्हणाले की. बच्चू कडू यांना भेटण्यासाठी आम्ही जाणार आहोत. सर्वांना योग्य तो सन्मान दिला जाईल. आमच्या मित्र पक्षांची आम्ही योग्य ती काळजी घेऊ, असं केसरकर म्हणालेत. यावेळी मंत्री दिपक केसरकर यांनी माध्यमांशी संवाद साधताना अनेक मुद्द्यांवर उत्तर दिली.