Eknath Shinde On Purnekar Case : पुर्णेकर प्रकरणावर प्रश्न विचारताच उपमुख्यमंत्री एकनाथ शिंदे थेट…; नेमकं काय घडलं?

उपमुख्यमंत्री एकनाथ शिंदे यांनी पूर्णेकर प्रकरणासंदर्भात विचारलेल्या प्रश्नांवर माध्यमांशी थेट संवाद साधणे टाळले. मात्र, ठाण्यात महायुतीने काढलेल्या लोकशाही बचाव आणि अराजकता हटाव पदयात्रेत त्यांनी इंडिया आघाडी आणि राहुल गांधी यांच्यावर जोरदार टीका केली.

शिंदे म्हणाले की, या पदयात्रेला प्रचंड प्रतिसाद मिळाला असून, फेक नॅरेटिव्ह पसरवणाऱ्या इंडिया आघाडीला ही एक मोठी चपराक आहे. राहुल गांधी आणि त्यांचे सहकारी केवळ देशविरोधी आणि विकासविरोधी बोलून पंतप्रधान मोदी आणि अमित शाह यांच्यावर आरोप करत आहेत. पंतप्रधान मोदींच्या नेतृत्वाखाली देशात एकही बॉम्बस्फोट किंवा भ्रष्टाचार झालेला नाही. इंडिया आघाडीकडून ईव्हीएम, सर्वोच्च न्यायालय आणि निवडणूक आयोगावर प्रश्नचिन्ह उपस्थित केले जात आहे, जे पूर्णपणे चुकीचे आहे. जनता आता असे अपप्रचार सहन करणार नाही, असे त्यांनी स्पष्ट केले. मोदीजींच्या पाठीशी संपूर्ण देश खंबीरपणे उभा असून, विरोधकांचे प्रयत्न अयशस्वी ठरतील, असे शिंदे यांनी नमूद केले.