Chandrapur : अलख निरंजन… हातात त्रिशूळ घेऊन गावकरी सज्ज… बिबट्याला म्हणावं ये आता…

चंद्रपूर जिल्ह्यात मानव-वन्यजीव संघर्ष गंभीर स्वरूप धारण करत असताना, वनविभागाने संरक्षणात्मक उपाययोजना सुरू केल्या आहेत. सावली वनपरिक्षेत्रात, जंगलालगतच्या 31 संवेदनशील गावांमध्ये श्यामाप्रसाद मुखर्जी जनवन योजनेअंतर्गत विशेष साहित्याचे वाटप करण्यात आले आहे. यामध्ये त्रिशूलसारख्या काठ्या, वाघांना गोंधळात पाडणारे मुखवटे आणि हिंसक प्राणी जवळ आल्यास चटका देणाऱ्या इलेक्ट्रिक स्टिक्सचा समावेश आहे. हे साहित्य विशेषतः गुराखी, मेंढपाळ आणि शेतकरी यांना देण्यात आले आहे, ज्यांचा रोज जंगलाशी संबंध येतो.

वनपरिक्षेत्र अधिकारी विनोद धुर्वे यांच्या माहितीनुसार, या साहित्याच्या वाटपामुळे गेल्या वर्षात एकही मनुष्यहानी किंवा जखमीची घटना घडलेली नाही, जी आधीच्या आठ मृत्यू आणि दोन जखमींच्या तुलनेत एक मोठी उपलब्धी आहे. हा उपक्रम गावकऱ्यांमध्ये सुरक्षिततेची भावना निर्माण करत आहे.