India-Pakistan Tension : आदेश आला तर 2 मिनिटांत… भारतीय सैन्य दलातील विमानांना मोठा निर्देश, ‘पहलगाम’नंतर LOC वर हालचाली वाढल्या?

भारत आणि पाकिस्तानमधील तणावानंतर एलओसीवर हालचाली वाढल्या असल्याचे पाहायला मिळत आहे. भारतीय सैन्य दलातील विमानांना दोन मिनिटांत सज्ज राहण्याचे आदेश देण्यात आले आहेत, अशी माहिती सूत्रांकडून मिळत आहे. भारताने एलओसीवरील गावकऱ्यांना सुरक्षितस्थळी पाठवले आहेत. तर पाकिस्ताकडून नियंत्रण रेषेवर जवानांची ताकद वाढवण्यात आली असून मोठ्या संख्येने तोफा तैनात करण्यात आल्या आहेत. दरम्यान, भारतीय कारवाईचा अंदाज घेऊन पाकिस्तानी सैन्याने आपले सैन्य सुरक्षित ठेवण्यासाठी Pok मधील पारंपारिक लॉन्च पॅड्समधून दहशतवाद्यांना हलवण्यास सुरुवात केली असून त्यांना बंकरमध्ये ठेवलं असल्याची माहिती देखील सूत्रांकडून मिळत आहे.