सभा, मिरवणुका काढण्यास पूर्वपरवानगीची आवश्यकता; कसबा पोटनिवडणुकीच्या पार्श्वभूमीवर पुणे पोलिसांचा निर्णय

पुणे : कसबा पोटनिवडणुकीच्या पार्श्वभूमीवर पुणे शहरातील पाच पोलीस ठाण्यांमधून निर्बंध जारी करण्यात आले आहेत. समर्थ पोलीस स्टेशन, फरासखाना पोलीस स्टेशन ,विश्रामबाग, खडक आणि दत्तवाडी पोलीस स्टेशनच्या हद्दीत पोलीस आयुक्तांच्या वतीने निर्बंध लागू करण्यात आले आहेत. त्यानुसार या पाचही पोलीस स्टेशनच्या हद्दीत सार्वजनिक सभा, मिरवणुका काढण्यास पूर्वपरवानगीची आवश्यकता असेल. निवडणूक आचारसंहितेच्या पार्श्वभूमीवर पुणे पोलीस आयुक्तांनी हे आदेश दिलेत.