Chhagan Bhujbal : त्र्यंबकेश्वरमधील मारहाणीच्या घटनेची भुजबळांकडून दखल, पत्रकारांच्या भेटीनंतर म्हणाले….
त्र्यंबकेश्वर येथे पत्रकारांवर झालेल्या अमानुष मारहाणीचा मंत्री छगन भुजबळ यांनी निषेध केला आहे. घटनेची माहिती घेण्यासाठी ते जखमी पत्रकारांना भेटले. वार्तांकन करत असताना पत्रकारांना बेदम मारहाण केल्याबाबत त्यांनी तीव्र नाराजी व्यक्त केली.
नाशिकमधील त्र्यंबकेश्वर येथे तीन ते चार पत्रकारांवर झालेल्या अमानुष मारहाणीमुळे एकच खळबळ उडाली आहे. या घटनेचा मंत्री छगन भुजबळ यांनी तीव्र निषेध केला आहे. वार्तांकन करण्यासाठी जात असताना काही अज्ञात गुंडांनी पत्रकारांना बेदम मारहाण केल्याची घटना आज घडली. या मारहाणीत तीन ते चार पत्रकार गंभीर जखमी झाले होते. मंत्री भुजबळ यांनी जखमी पत्रकारांना भेट देऊन त्यांची तब्येतीची विचारपूस केली आणि या घटनेबद्दल त्यांनी आपली नाराजी व्यक्त केली. त्यांनी या घटनेचा तपास करून दोषींवर कठोर कारवाई करण्याची मागणी केली आहे. पत्रकारांना सुरक्षित वातावरणात काम करण्याचा अधिकार असल्याचे म्हणत भुजबळांनी गुंडगिरी करणाऱ्या लोकांवर कठोर कारवाई झाली पाहिजे, अशी प्रतिक्रिया दिली.
Published on: Sep 20, 2025 5:14 PM
Follow Us
